Sábado que ben, die 26 de Janeiro, a las trés i meia de tarde, starei a falar subre lhéngua mirandesa ne l «Centro Cultural e Recreativo do Alto do Moinho». Estas palhestras ban-se a repetir até al berano, ua beç por més, i antegran-se ne ls cursos de lhéngua mirandesa que hai anhos son ourganizados pula ALM - Associaçon de Lhéngua Mirandesa, i son un cumplemento a las classes dadas por Francisco Domingues.
Quien podir i quejir que apareça i lhiebe outras pessonas. Ye mais ua ouportunidade para falarmos de la nuossa lhéngua i mos tornarmos a ber.
Para quien nun soubir adonde ye, bai até Corroios i buolbe pa l Alto do Moinho, lhougo eilhi a la mano. Ua beç eiqui ye solo preguntar.
2 comentários:
Buono amigo Amadeu,
Na lhuita de cuntinuar l çforço de ansinar la lhéngua mirandesa i no seguimento de terceiro Cuorso dado an Corroios, cun special participaçon i colaboraçon de nós ls associados de la Associaçon Cultural i Recreatiba Nial de la Boubilha, teniemos ficado mais cuontentes se no testo tebisses tamien referido esta nuossa querida associaçon, que cuomo tu bien sabes, muito aprecia la tue cuontribuiçon i la tue dedicaçon, de alma i coraçon, para cuntinuar l aprufundamiento de la lhéngua mirandesa, de todos aqueilhes que yá tenemos concimentos de la lhéngua.
Acho amportantíssimo cuontinuar l cuorso cun estas Palestras i yé un prebilégio i ua suorte para todos nós tenermos l nuosso querido Porsor de la Lhéngua a ampeçar mais ua iniciatiba, que ten por objectibo la promoçon de l Mirandés i de ls mirandeses.
Un abraço de l siempre amigo,
Leonardo
Fui sien querer Leonardo. Assi, queda la correçon feita, por todo l que dizes.
Enviar um comentário