Puode parecer que ls anhos son ua cumbençon houmana, mas la berdade ye que l tiempo nun para na sue ruodra. Nessa sue passaige por mais este solstício de eimbierno you quiero dezir-le a este anho de 2008, bien benido.
Mas hai cousas que somos nós que las fazemos, cumo este blogue, por eisemplo. El ampeçou hai menos de un anho, mas yá passou a ser ua jinela adonde nós mos beninos a assomar muita beç i deixamos acá cousas para ls outros se assomáren. Ye esso que you gustarie que cuntinasse a ser: ua jinela adonde todos mos podemos mirar i dar a coincer l nuosso mundo. Cuido que staremos de acordo que esso será ua cousa buona.
Que eiqui mos cuntínemos a ancuntrar, son ls mius botos, cun toleráncia, lhibardade i respeito pula denidade de la nuossa lhéngua i de nós mesmos. Cada ua/un al sou modo, ye amportante para que este blogue cuntine.
I queda eiqui un pedido, para cada ua/un se sforçar nesse sentido: que séiamos cada beç mais a screbir eiqui, que assi las froles seran de quelores mais bariadas i, portanto, mais guapo será l ramo.
Mas hai cousas que somos nós que las fazemos, cumo este blogue, por eisemplo. El ampeçou hai menos de un anho, mas yá passou a ser ua jinela adonde nós mos beninos a assomar muita beç i deixamos acá cousas para ls outros se assomáren. Ye esso que you gustarie que cuntinasse a ser: ua jinela adonde todos mos podemos mirar i dar a coincer l nuosso mundo. Cuido que staremos de acordo que esso será ua cousa buona.
Que eiqui mos cuntínemos a ancuntrar, son ls mius botos, cun toleráncia, lhibardade i respeito pula denidade de la nuossa lhéngua i de nós mesmos. Cada ua/un al sou modo, ye amportante para que este blogue cuntine.
I queda eiqui un pedido, para cada ua/un se sforçar nesse sentido: que séiamos cada beç mais a screbir eiqui, que assi las froles seran de quelores mais bariadas i, portanto, mais guapo será l ramo.
5 comentários:
Biba, buonas nuites, porsor Amadeu,
Pido-bos yá çculpa por solo agora bos respunder a l que me perguntestes, mas yá zde demingo que staba sien anternete, aspero que 2008 bos traga todo de buono!
An San Pedro, que you l saba, lhigado a la eigreija, solo se le metie miedo als garoticos cun l Bielho, de la fiesta de Santa Lhuzie. De meter miedo cun l burrico i la baquica nunca oubi dezir nada.
Tamien perguntei i an San Pedro i an Palaçuolo solo oubi dezir "persépio" ou até la forma, cuido you, más pertuesa "presépio".
Oubo inda ua tie que me dixo "persebe", cun B.
Para musgo solo se usa musgo i nunca mofo.
Tamien tenemos muito mofo, i tamien mofas, an las cozinas que nun ténen chupon. I nesta mie cumbersa que tamien yá stá a quedar un cachico mofosa.
Un abraço
Oubrigado pula repuosta tan cumpleta, amigo Tortulhas. I assi bamos daprendendo l que nun sabemos.
Só que agora quedei cula pulga atrás l'oureilha cun essa de l Bielho de la Fiesta de Santa Luzie.
Nunca oubi falar de tal.
Serie pedir-te muito que mos cuntasses essa stória, que nunca oubi falar. Çculpa star siempre a dar trabalho, mas la culpa ye tue que sabes tanta cousa i nun tengo mais a quien recorrer.
Mais ua beç, bun anho.
Biba, buonas nuites outra beç!
An San Pedro, tamien hai (habie) ua dessas fiestas de l solstícios de ambierno, mei religiosas, mei paganas. Deixórun de la fazer hai uns 40 anhos, i solo ne ls anhos nobenta ye que la fazimos uas 4 ou 5 bezes.
Ye ne l die de Santa Lhuzie (13 de Dezembre) i mete un bielho, ua "galdrapa" i dous beiladores.
Eiqui nun será a la própia para cuntar todo, mas se acauso quejirdes dar ua spreitadelica nesta página, stá alhá todo cuntado puls uolhos de ua garotica.
http://www.eb2-miranda-douro.rcts.pt/mirandes.htm
Un abraço
Bamos a cuntinar este blogue i outros an 2008. Nun nos podemos çtrair, nin deixar que ls afazeres de todos ls dies,nun nos deixe tiempo para spreitar esta jinela tan saborosa de l Mirandés. Bun anho pra todos ls que eiqui benan i screben.
Parabienes porsor Amadeu
Oubrigado amigo Válter Deusdado,
Bamos, anton, a tocar las cousas palantre neste anho de 2008, ne l que respeita al mirandés.
Bonda que cada un tire un cachico an cada die i las cousas abánçan.
Muita salude i un abraço,
Amadeu
Enviar um comentário