Hoije fui-me até Chabes pula nuoba outostrada, A24. A esta bai a antruncar outra, an Bila Pouca de Aguiar, la A7, i que naide sabe por que la fazírun yá que poucos carros alhá passan i nun se sabe bien que tierras sírbe. Strada que, al menos a la purmeira bista, nun parece oubedecer a un plano racional para serbir l paíç. Dá pena... I nien fago eideia de qual fui l goberno que la mandou fazer ou que la pagou.
Al passar por esta outostrada béien-se nuobas-bielhas aldés que parece que las ponírun de cuostas para este porgresso, cumo se del yá nun quejíran saber ou el yá nun le podira baler. Las stradas, solo por eilhas mesmas, nada resuolben, mesmo nada: para esso son percisas pessonas, i eideias i quereres, algo que pouco ou nada se bei. Sien esso las outostradas solo sírben para passar mais debrebe i para un se ir ambora mais debrebe.
Béngan stradas, mas béngan tamien eideias: las pessonas quieren stradas, mas las eideias inda nun sáben para que sírben i se béien ua lhougo la bótan abaixo. Ua pena, que assi nun salimos de la cepa tuorta, a nun ser que seia cula de l restourante adonde hoije me fui a cenar i que, seguramente, ye un de ls melhores de Trás ls Montes: queda an Alijó i chama-se... CEPA TORTA. Recomendo bibamente a quien podir. Essa ye ua cepa tuorta adonde dá la gana quedar to la bida.
3 comentários:
Pus nun sei mui bien se la boussa openion ye de fato l que screvies, se four you descordo. La A7 e la A23 passo neilhas zde que eilhas nacirún.
Un porblema que beio nas stradas de hoije en die, ye que eilhas tenen que passar a la borda de tolas tierras grandes, fazen-se zbios para alhá chegar i couso la spesa aumenta.
La A7 nace na Póvoa i termina en Bila Pouca, ten muitos erros de cunstrucion, ten decidas mui anclinadas i subidas quije a pique. Bati alhá miu record de belucidadde i inda zangatei l carro. Em dies de auga podemos star, i sien cuntar nu meio de ua sencenhada sien ber nada, yá chegei alhá a nun poder andar a mais de 20 km hora. Em dies de temporal tamim nun se poude picar muito porque se no podemos acabar foura de l´estrada.
Penso que la A7 habi de tener outro tracado, mais longo i menos despendioso.
L que penso tamin acerca de la A23 e solo la conheco antre Bila Rial i Vila Pouca, gastorén alhá muito dinheiro, nun cretico por la fazeren porque quando bemos ua cousa na mano dels outros nun se la debemos querer tirar, debemos luitar por ua cousa melhor ou parecida.
Mas acho que la transformacion de l IP4 en outo-estrado era mais aurgente.
Digo muitas bezes, nos ls del Nordeste Stramuntano tenemos mesmo pouco quien bata na mesa, e faga saltar las culheres i ls garfos dalha para baixo, i nun faga ber a tols poderes que ye eiquenómicamente mais barato ligar l fetouro IC5 a la A7 e poli conduzir tol trafico del Morte del Paíç, quedaba mais barato en dinheiro, e poupabamos l meio anbiente de que tanto se fala.
Mas esto todo que bai longo, i inda nun stá todo l que penso son só mies eideias.
Juan
Oulá Juan,
Essa ye mesmo la mie oupenion i beio que ye mui aparecida cula tue. Claro que you nun gustarie de tirar als outros l que eilhes ténen, que possiblemente até será menos que l que percísan. L que falo ye de política, de planeamento adequado de ls streportes, de prioridades ne ls ambestimientods a fazer cun outostradas. I nun tengo dúbedas que l IP4 yá muito que debie de ser todo outostrada, hai muitos anhos. No eissencial, fui esso que you quije dezir.
La segunda eideia que deixei ye las stradas son mui amportantes, mas que nun fázen milagres pa ls sítios adonde pássan. Cuido que starás d'acuordo.
Cuncordo cuntigo que todo depende de quien stá no goberno. Un eisemplo: la A23 ye mui amportante mas nun haberie sido feita hai tanto tiempo se nun passasse pula tierra de Gueterres (i outros) quando el era 1º menistro.
I, nunca ye demais dezi-lo, bien benido a este blogue, sperando qua puodas fazer parte de la quadrilha quando quejires.
Un abraço
Amadeu
Pido sculpa porque na mi anterior mensage onde pus A23 deveri star siempre A24, i cun mais alguns erros que alhá tengo, nun quedou alhá mui bien. I adepuis como fago todo deprissa i a correr la cousa nun poude dar mui cierto. No bousso testo ouriginal dezis que las stradas sirben para que las pessonas se scapan mais debrebe dalhá, mas you direi que tamin sierben para eilhas chegaran alhá mais debrebe i l dar mais la gana, de ir alhá mais bezes. Apesar de you ir a tener sauidade de andar de carro de Bila Pouca até l Alto del Popúlo, mas como ye bouno agora ir de Bila Rial até Bila Pouca, e adepuis chigar al Alto del Popúlo só fazer mais 6 ou 7 KM i chigar alhá nun tercio del tiempo.
You sou autelizador de la A7 zde que abriu(23/12/2005), poucas mais bezes outilisei A4/IP4, a nun ser nus dies de temporal que assusten a quatro, i bos garanto que oube dies que nun eran para todos, aire auga i nubrina, i l carro muitas bezes a dançar sien ber cielo nin tierra.
Tamin ei gustado del que teneis screbido sobre l Albon i you bau a tener saudades de passar de Bila Pouca até l Alto del Popúlo, desso quiro screbir algo mais adelantre. Dessas tierras de centeno peinhas i castanhas, patatas que me faziren parar algus bezes a mirar para eilhas.
Quanto a la A24 penso que quedou carissíma i nun serie essencial neste momento, no sou traçado final será de la Fieira de la Foç ate Chabes, mas com destimo a L´ouropa, yá hai l IP4 l A25, mas yá que la faziren inda bien.
Beio la salbaçon deste paíç quando nun esistir un Paíç a dues belocidades, atrabeç de l´anterior. I só se dará quando l´anterior tubir condiçones como las del litoral i ende si haberá pessonas por tolas tierras, i las stradas seran eisenciales.
Las tierras stramuntas tenen muitas anbidualidades que brilhan en tols lhados, na Política no Jornalismo, na Adbogaci, na Angenhari na Justiça, no Ansino antre outras cousas, mas quije nunca ls beio a puxar por alhá.
Dou un eixemplos rápidos, Adriano Moreira, Edite Estrela, Rui Pereira, Carlos Magno, Hernani Carvalho, José Rodrigues dos Santos, Isaltino Morais antre outros, zde policas, i juizes que nun me lhembra agora l nome, i mais andebidualidades. Beio só fazer por Lisboa Porto e la Borda Litoral.
Era preciso que essas pessonas que se scaporén en bouna altura, que fazisen algo de bouno, ou que dezisen algo pols stramuntanos, para salirmos de la tierra squecida.
abraços para todos bien gustaba de pertencer a la quadrilha mas la lhéngua nun la sei mui bien screbir, i l tiempo cada beç ye mais scasso.
Juan
Enviar um comentário