*
anton buonas i santas a to ls que bénen eiqui!
Hoije bou a deixar mais ua poesie an pertués i an mirandés.
"ENTARDECER"
Agora as tardes já se perdem
no vulto das aves no ocaso...
No sonho de navegar olhos vagueiam
por letras do passado em corpo lasso.
Há rotas por explorar em fim de dia
antigos risos reflectem o sol poente.
Soltam-se sonhos ...
lembranças vagas de outra gente
que não nós,
ancorados na tarde da melancolia
à margem de uma vida já urgente...
S:)
agora mais cumplicado:)
"ANTARDECER"
Agora las tardes yá se pérden
ne l búltio de las abes ne l poniente...
Ne l suonho de nabegar ls uolhos pérden-se
por letras de l passado an cuorpo molido.
Hai caminos por splorar an fin de die
bielhas risas spéilhan l sol que se çpon.
Sóltan-se suonhos...
lhembráncias bagas, d'outra giente
que nun nós,
arremansados na tarde de la melancolie
a la borda dua bida yá ourgente...
s:)
4 comentários:
Ye solo l segundo poema que eiqui mos deixas, mas ye quanto bonda para saber que stamos an perséncia dua poetisa de fina senseblidade, cumo ye ralo aparecéren.
La lhéngua mirandesa percisa dua poetisa assi. Ler tan poucos bersos destes dá fame de... mais.
Amadeu Ferreira
Nun pudie deixar de poner eiqui l miu comentario. La poesie ye ua fuorma de spresson maior que solo algues alhá chegan. Ye cumo outro grande poeta dezie, "um golpe de asa", que you acrescentarie "un golpe de alma" Gustei muito i Parabienes.
Sculpa-me, só nun guosto de l tou nome, para mi debie ser l´outro, Marie, quien sabe!...
Gustarie que benisses a ler este comentário, para te lhembrar que stamos a spera de mais poemas tous. Son palabras abeludadas que nos afagan l´alma, que esboaçan i deixan sudade
Válter Deusdado
De beç anquando bengo eiqui para bolber a ler esta poesie. Ye ua pena nun scebires mais. Ancuontro nestes bersos ua melodie que afaga l´alma i lhiba-me a bolar por antre suonhos. Tenan un feitiço quinda nun l scubri. Mas son apaziguadores i cuontan ua stória bonita.
Enviar um comentário