25/01/12

CULTURA MIRANDESA DE PARABIENES

.

SECRETARIA DE ESTADO DA CULTURA APOIA CENTRO DE MÚSICA TRADICIONAL SONS DA TERRA


To l spólio de l Centro de Música Tradecional Sonidos de la Tierra, an Miranda de l Douro, bai ser digitalizado i preserbado. L porjeto antre l'eiditora i la Secretarie de Stado de la Cultura yá stá cuntratualizado i a funcionar. Mário Correia, l respunsable pul centro cultural, splica que l'oujetibo ye preserbar patrimonho cultural atrabeç de la digitalizaçon de decumientos. “Amplica la digitalizaçon, seriaçon, classeficaçon i rializaçon de quatro cópias fundamentales”, splicou l respunsable de la Sonidos de la Tierra. Ua de las cópias será antregue a la Ounibersidade Nuoba de Lisboua, outra pa la Ounibersidade de Abeiro i pa l Museu de la Música Pertuesa. La quarta cópia eirá para un arquibo para preserbar la lhéngua i cultura mirandesas, qu'inda nun stá criado. Este será un porjeto grandioso an termos logísticos i nun bai amplicar solo preserbar sonidos.
La digitalizaçon abrange 650 cds, cuntendo miles de pieças. “Tenemos 3500 horas de grabaçones fonográficas. Hai quatro mil horas de grabaçones nó digitalizadas. I inda 52 mil retratos i 160 horas de filmes decumentales”, adelantrou Mário Correia.

6 comentários:

leonardo antao disse...
Este comentário foi removido pelo autor.
ACangueiro disse...

Hai siempre nuobas que mos anchen de proua i esta ye ua deilhas.

Parabines a Mário Correia i la Secretarie de l Stado de la Cultura que apuis de tanto trabalho yá feito siempre gasta uns teçtonicos, l mais fácil, mas amportante.
Apuis parabines a Tiu Almendra que mos bai dando nuobas mui amportantes.

leonardo antao disse...

Buonas nuites Almendra:

Parabienes a l'eiditora Sonidos de la Tierra i a Mário Correia pul eicelente trabalho que ten benido a fazer na preserbaçon de la música tradecional mirandesa que mui cuntribui para preserbar l patrimonho cultural musical i la lhéngua mirandesa. Parabienes tamien a bós Almenda por esta amportante nuoba.


Cuntai cumigo pa l’apoio deste fantástico trabalho, que me cumprometo a cumprar, bender i ouferecer alguns CDs de la Sonidos de la Tierra, cul amportante oubjetibo de promoçon i dibulgaçon de la cultura mirandesa.

Un abraço amigo,
Leonardo

franciscobelharino disse...

Buonos dies Almendra,

Esta ye ua ambora cun un senificado mui grande pa la Lhéngua i Cultura Mirandesas. Bien haia a Mário Correia i a l' Eiditora Sonidos de la Tierra por todo l que ténen benido a fazer na defesa de l parimonho i a la Secretarie de Estado de La Cultura pul recoincimiento de todo este baloroso trabalho.
Un abraço,
Francisco Domingues

franciscobelharino disse...

Buonos dies Almendra,

Esta ye ua ambora cun un senificado mui grande pa la Lhéngua i Cultura Mirandesas. Bien haia a Mário Correia i a l' Eiditora Sonidos de la Tierra por todo l que ténen benido a fazer na defesa de l parimonho i a la Secretarie de Estado de La Cultura pul recoincimiento de todo este baloroso trabalho.
Un abraço,
Francisco Domingues

Teresa Almeida disse...

Buona ambora!

Ye ua alegrie pa ls mirandeses i an special para aqueilhes que lutórun para que fusse berdade.
Un abraço Almendra i amigos.