Cuidábades que las fiestas "de la quadra" yá habien chegado al fin? Stábades bien anganhados... anton queriedes deixar la pipa más buona sien torneira.
Para cerrar tenemos Ls Reis, que son an San Pedro, mirai que milagre, anton adonde habien de ser?!
I diç que hai roscos. I antremoços i bino para todo mundo.
.
Astanho, a la fiesta de las Claras (para porbar a ber se ls roscos stan buonos) cháman-le sestas culturales! Tamien stá bien!
Yá se sabe que stá todo mundo cumbidado, se quejirdes aparecer, un muordo i ua pinga nun mos han de faltar, mas isso de "culturales", an nuite de Claras, çcunfio que solo apuis de l treceiro copo.
Aporbeito para le dar ls parabienes a l'Associaçon Lérias, ua rapaziada derramada i que fai un bun serbiço pula Tierra de Miranda.
1 comentário:
Buonas nuites, Alfredo.
Diberte-te nessa festa, mas you tengo que te dezir que deixei de quememorar l Die de Reis.
Purmeiro, porque eilhes son ua Troika. Apuis, porque ls reis magos son un grupo de poderosos que ten un Gaspar antre eilhes. I esso, cumo yá sabemos, nun puode ser buono.
De qualquier maneira, spero que te dibirtas. A ber se un die passo por San Pedro de la Silba para bebermos ua pinga ls dous.
Un abraço.
Enviar um comentário