03/10/11

TURISMO

.

ZAMBUOLBIMIENTO RURAL

.

La nuossa region percisa arriba de todo que ls nuossos recursos séian aporbeirados, nó, solo para pormoçon de uns poucos, mas para acrecentáren riqueza a la nuossa tierra i para que las nuossas aldés síntan la calor de ls sous filhos i nó la saludade. Por esso todas las einiciatibas que tráien gente al Praino i que fázen ls sous tornar, inda que solo ua beç ne l anho, son eicencales para haber zambuolbomiente. De nada bale pormober la cultura pula cultura i muito menos querer meté-la nua cadena adonde solo ls que se lémbran deilha, quanda yá nun ténen mais an que pensar, la poderan bejitar.
Un grupo de la USEIA (Universidade Sénior), bejitou Atanor i de la sue bejita hai bários bideos de que yá demos cunta noutros sítios, mas este ye antressante porque amostra bien l que debe ser, poner la cultura al serbício de l turismo. La bejita ancluiu tamien tenéren ua aula subre anstrumientos musicales i quien melhor que Paulo Meirinhos para la dar?

2 comentários:

ACangueiro disse...

quaije que dá ganas de ser de la Ounibersidade Senior.

leonardo antao disse...

Buonas nuites Almenda:

Esta aula de Paulo Meirinhos fizo l miu coraçon sorrir de berdadeira alegrie, porque sentiu ls sonidos de l'outéntica música mirandesa i parece-me de grande mérito, porque cuntribui pa la promoçon i pa l reconhecimiento stórico de la cultura musical típica de l nuosso pobo mirandés.

Bien haba Paulo Meirinhos i l grupo de la USEIA por este antressante trabalho de dibulgaçon cultural, que cuntribui tamien para que muitos que bejitan este Froles queden a coincer melhor i a gustar mais de las nuossas tierras i gientes mirandesas.

Parabienes a bós Almendra pula dibulgaçon destes guapos bídeos que “son eicencales para haber zambuolbomiento rural”.

Un abraço amigo
Leonardo