20/10/11

LA CULPA MORRIU SOLTEIRA

.

La culpa morriu solteira,
Oube-se por ende dezir,
Todos nós la tenemos,
Mas nun l queremos oubir.
Por esso poner la queremos,
Noutros p’ra melhor bibir.

Somos de la berdade duonhos,
Naide ye mais sério que nós,
Bibimos de ls nuossos suonhos:
Ser mais que nuossos abós!

Tener denheiro, tierras, casas,
Buns ourdenados, posiçon,
Sermos senhores del lhugar
I ne ls outros poder mandar…

Até Dius mos faç afronta,
L próssimo nun l bemos,
Somos nós, nós i nós.
Criticamos, julgamos i nun bemos
Que ls outros son cumo nós…

11 comentários:

Velho Barreiro disse...

gostei

faustino.antao disse...

Buonas nuites caro Almendra

-Guapo, gustei muito

Un abraço
Faustino

leonardo antao disse...

Buonas nuites Almendra!

Ye biolenta esta radadeira parte “el próssimo nun l bemos, somos nós, nós i nós. Criticamos, julgamos i nun bemos que ls outros son cumo nós…”. La maior parte de ls porblemas nacionales i anternacionales ten ourige neste eigoísmo de pensar solo an nós própios.

La culpa nun morriu solteira, ye para mi fruito de l nuosso eigoísmo, assi cumo la crise eiquenómica ye tamien fruito de l'eigoísmo nacional i anternacional.

Las medidas d'austeridade causan-mos un choque brutal de andignaçon i terribles anconbenientes na bida an geral, tales cumo oumiento de l zamprego, de las falhéncias, de la pobreza,… que deixam muitas pessonas baralhadas i perdidas.

Hai necidade de mudança radical, de “bermos que ls outros son cumo nós” de juntarmos l nuosso “tijolico” na custruçon dun Paíç menos zeigual i mais justo.

Nun será esta ua buona maneira de bencer la crise eiquenómica?

Un abraço
Leonardo

ACangueiro disse...

Bós nun bos anrezineis.
Siempre la culpa morrierá solteira; haber se hai quien se case cun eilha?

Saludos,

acangueiro

Almendra disse...

Saludos a todos, solo un reparo para ACangueiro.

You nunca m'anrezino cun pessonas anquanto pessonas, mas cun eideias.
Esso de dezir que la culpa muorre solteira, ye la tue eideia, que para mi nun stá cierta.
Quien sós tu para poner la culpa als outros? Ó para ls quereres cundanados? Mira antes para ti.
Bá, agora sou you que te digo:
"Nun t'anrezines" :))
Esso de querer cundanar ye cultura de ls mandantes, de ls senhores, dels todo poderosos, dels que pénsan ser eiluminados.
Nós somos ls buonos, ls outros son ls malos. L que amporta ye sermos nós ó ls nuossos a mandar.
L mundo nun abança cun guerras, mas cun dar las manos.

Abraço camarada ò cumpanheiro.

Ó melhor, amigo Antonho

Velho Barreiro disse...

ora bem, eu estou de acordo com Almendra mas também concordo com ACangueiro, e agora? quer dizer, quem aceita casar com a culpa? pelos vistos ninguém, num é? mas botar sempre a culpa nos outros, quer dizer, fazê-los casar à força, também num está certo! isto digo-vo-los eu que sou muito assisado, quer dizer, ainda há pouco me-la aumentaram, a sisa claro; e nesse caso, meus caros, a culpa é deles, ai é, é...

ACangueiro disse...

you tamien m'anrezino muitas bezes. La cierta ye que andamos muito tiempo sien mos anrezinar apuis deu ne l que deu. Claro que tenemos que ser mais anterbentibos i mais rezingones. Rezingar faç bien a la salude...yá chega, se nó ainda quedo anrezinado i apuis quien me bai aturar...la mi Tie que las paga todas i las rapazas que son ls que stan mais acerca i tenen menos culpas...

abraço Tiu Almendra, camarada, cumpanheiro

Almendra disse...

Antonho,
Dou ne l que dou, porque todos mamemos l que la baca daba i fumos gastando por cunta de l que la baca iba a dar.
Nunca miremos para la baca, se tenie fame, se staba bien tratada.
Tratar de la baca era culs outros.
Nien tratemos de saber quien era l duonho de la baca.
Ls que dában l lheite a rigaleira eran ls maiores, stan bien gobernados, ándan por ende a fazer caçoada.

Agora la baca stá mala, dá pouco lheite.

Quieres ber que quien quedou cula baca amalinada ye que ten la culpa?!!

I l pobo, pá!

Ana disse...

Tamien you gustei de ler estes buossos bersos.

leonardo antao disse...
Este comentário foi removido pelo autor.
leonardo antao disse...

Buonas nuites pessonal!

Oubi hoije esta: na tropa la culpa nunca muorre solteira, quando un Suldado nun se sabe de quien ye, respunde: la culpa ye de l corneteiro de D. Fonso Heinriques.

Un abraço
Leonardo