05/10/11

Scapou-se !

Scapou-se la poesie !
Scapou-se i fui pra loinge
sien you ser capaç de l agarrar...

I a mi parece-me assi i todo
que fui capaç de l agarrar
ciertas bezes...

Dezi-me !
Splicai-me outra beç !
Para adonde fui ?
Adonde stará, la poesie ?

I l aire responde:

Stá adonde las pessonas nunca acradítan que stá
Ye un sfregante
Un suonho
Un oulhar
L coraçon que bate
L ampossible que se torna possible
Hoije
Manhana
Agora
Mas subretodo antes...

Antes que seia tarde !

1 comentário:

Almendra disse...

LINDO!

Que poema mais guapo, ye esto la poesie, un coraçon a falar.
Solo quien passa por ciertos momientos de la bida puode amar mais ls outros i a el miesmo.
Mas hai que cuntinar, porque l tiempo nun eisiste, cada sfregante ye eiternidade, por esso hai que l bibir feliç.

Beisico
Tou primo Zé