24/10/11

Música - LHEGION OURBANA - Tiempo Perdido

Legião Urbana - Tempo Perdido

To ls dies quando çperto
Nun tengo mais
L tiempo que passou,
Mas tengo muito tiempo.
Tenemos to l tiempo de l mundo.

To ls dies
Antes de drumir
Lhembro i squeço
Cumo fui l die.
Siempre abante!
Nun tenemos tiempo a perder.

Nuosso sudor sagrado
Ye bien mais guapo
Qu'esse sangre agre
I tan sério
I selbaige, selbaige,
Selbaige!

Bei l sol
Dessa manhana tan cinza.
La tempestada que chega
Ten l quelor de ls tous uolhos
Castanhos.

Anton, abraça-me fuorte
I diç mais ũa beç
Que yá stamos
Çtantes de tudo.
Tenemos nuosso própio tiempo,
Tenemos nuosso própio tiempo,
Tenemos nuosso própio tiempo.

Nun tengo medo de l scuro,
Mas deixa las lhuzes
Acendidas agora.

L que fui scundido
Ye l que se scundiu,
I l que fui pormetido,
Naide pormetiu,
Nien fui tiempo perdido.
Somos tan jóbenes,
Tan jóbenes, tan jóbenes!

8 comentários:

leonardo antao disse...

Buonas nuites caro Daniel!
Parabienes, muito guapo
Un abraço
Leonardo

Daniel Sardinha disse...

Oubrigado, Leonardo!
Essa ye ũa cançon d'un de ls maiores grupos de rock de to ls tiempo d'eiqui, Legião Urbana. Nun sei l quan afamados son eilhes an Pertual, mas ls The Gift yá regrabórun dues cançones sues, «Sete Cidades» i «Que País é Este?». Tamien l Miguel Ângelo regrabou i adatou la cançon «Via Láctea».
Spero que tengas gustado.
Un abraço!

leonardo antao disse...

Buonas nuites Daniel!

Gustei desta Banda de Rock brasileira, que penso yá tener zaparecido, de l qual oubi dibersas cançones, hai cerca de binte anhos atrás, quando prestei serbício na Brigada Mecanizada, an Santa Margarida.

Este tou testo fizo-me relembrar esses dous anhos, an que passaba la sumana lhoinge de la família i tenie tiempo para ir a la çcoteca, bailar i oubir música.

L pouco que relembro dessa Banda ye dua cançon chamada Amor Platónico, de la qual retibe este cachico:
You sou solo alguien
Ó até mesmo naide
Talbeç alguien ambesible
Que admira la çtáncia
Sin la menor sperança
Dun die tornar-me besible

Ua beç mais parabienes Daniel, por me teneres relembrado esses buonos tiempos…

Un abraço
Leonardo

Daniel Sardinha disse...

Biba!
Subre esta cançon, cuido que nun seia de ls Lhegion Ourbana, puis puodo dezir que conheço to la sue discografie. Tampouco sei de quien son, mas bou a buscar, puis gustei de la lhetra =]
De fato, ls Lhegion Ourbana yá nun eisísten mais zde 1996, quando morriu l duonho de la boç de la banda por SIDA, anfelizmente.
Abraço!

Daniel Sardinha disse...

Caro Leonardo, çculpa-me pul miu erro. De fato, esta cançon si ye de ls Lhegion Ourbana, ũa rala que nun conheço! hehe...
Siguramente pa mi ye ũa alegrie poder conhecer mais ũa cançon deilhes. Oubrigado!

Daniel Sardinha disse...

Essa ye ũa cançon mui rala deilhes i nun fui salida an nanhun disco! Puxa!

leonardo antao disse...

Buonas nuites Daniel!

Agradeço, cun sastifaçon, la tua ambestigaçon para me dares un buono sclarecimiento subre la cançon de ls Lhegion Ourbana. Cunheço pouco desta banda de rock, mas sclareci-me hoije un pouco mais i çcubri que l álbun Las Quatro Staçones fui cunsidrado l melhor trabalho de l grupo, cun cançones que fúrun tocadas muitas bezes nas rádios de Pertual.

Un abraço
Leonardo

Daniel Sardinha disse...

Buonas!
Subre esso de haber tocado an las rádios de Pertual you nun sabie...
M'alegro! =]
Abraço.