05/06/09

SANTO ANTONHO


Antrémos ne l més de ls Santos Populares i l purmeiro que bien ye l Santo Antonho.
Nun penseis que solo ls fidalgos de Lisboua tenen l dreito a festiar este die, tamien na mie pequeinha aldé se faç ua festarola. Ye claro que nun se fazén las guapas marchas cumo na nuossa capital mas fazemos ua missa cantada i sal la procisson cul andor de l santo, al redor da la aldé.
Santo Antonho ye l padroeiro de las moças solteiras e tamein de los pastores. Por esso ls mardomos son siêmpre la rapaza mais bielha, que steia para se casar i l duonho de l ganado que, na mie aldé ,fui siempre l mesmo , l pobre nunca arranjou noiba para se casar. Las rapazas stan siempre a la spera que se case la mais bielha para dar la beç a la que se segue, la orde ye siempre la mesma, la mais bielha ye mardoma até se casar.
Cul mardomo ye defrente, Santo Antonho tem que le guardar l ganado de la garras de ls lhobos e tamien de outras eipedemias , por esso l die de la fiesta oufreç-le l melhor cordeiro que tubir ne l ganado.
Chega l die de l Santo, lhougo pula manhana, la rapaza anfeita l altar cun las floricas mais guapas que encontrar por eilhi, anfeita tamien l andor cun l santo i muda-le las fiticas bielhas por uas nuobas e cada un pon la smola que tubir prometido al santo.
Assi que la missa acaba, ampeça la procisson, las rapazas lheban l’andor i l pastor lheba l cordeiro a las cuostas. Terminado este ritual, arremata-se l cordeiro, quien pagar mais, lheba-lo para casa i l denheiro queda para l Santo Antonho.


........


Oh miu rico Santo Antonho
Miu santo padroeiro
Arranja-me un buono rapaç
I que tenga mui denheiro!


6 comentários:

franciscobelharino disse...

Buonas tardes Isilda,

An Zenízio l mordomo era siempre un de ls pastores. Quando habie muitos ganados l Santo Antonho tenie muitas bezes ua carneirada a la cuonta de ls cordeiros que le oufrecien. Hoije yá quaije nun hai pastores i ls mordomos yá son pessonas sien ganado. Parabienes pul testo an honra de l Santo Antonho.

Un abraço,

Francisco Domingues

Fir disse...

Buonas tardes.
Queria só dizer que em Lisboa não há só fidalgos.
Aliás, nem sequer acredito que os fidalgos comemorem o Santo António, porque fica o cheiro a sardinha nas mãos.
Um abraço.

faustino.antao disse...

Oulá Isilda

Guapo teste, parabienes.
I bien que screbis.

saludos

Adelaide Monteiro disse...

Ah Eisildica,
Que baliente que tu sós i que bien que yá scribes l nuosso Guapico!
Beisos, nina.
Adelaide

Isilda disse...

Buonas nuites a todos.

Para responder a Fir:

Quiero deixar bien claro que al referi-me als fidalgos,pretendo falar de Lhisboua an si, cumo capital. Sin dubida que ua grande maiorie de ls que alhá biben, son i seran siempre grandes i nobres stransmuntanos,que se sforçan i lhutan pul nuosso Mirandés i tamien hai muita giente, que sin ser stransmuntana, ten la mesma simplicidade que nós tenemos.
Solo quijo çtinguir la cidade de la aldé.
You bibo an Bila Nuoba de Gaia, hai 30 anhos i tamien nun fago parte de l fidalgos
Un abraço i até siempre.
Isilda

Fir disse...

Olá Isilda!
Eu percebi o seu comentário, mas parece-me que não devemos insultar Lisboa por ser a Capital. Se queremos respeito pela nossa terra, devemos respeitar todas as outras terras.
Eu não sou mirandês nem lisboeta, mas vivo em Lisboa e foi aqui que comecei a aprender o pouco que sei do mirandês. E até foi aqui que conheci muitos mirandeses.
Quanto aos santos populares, queria só acrescentar que são comemorados por quase todo o país e umas terras dão mais importância a uns que a outros.
Na zona de Leiria (onde nasci), há sempre festas em várias aldeias, nesta época. E noutros sítios onde vivi, sempre comemorei os santos, excepto em Torres Vedras. Curiosamente, o sítio onde mais gostei de comemorar os santos populares foi na cidade de Portalegre.
Um abraço.