Porsor Amadeu Ferreira
Albertina de São Pedro, na sue apersentaçon
Luís Silva, na sue apersentaçon
L Júri de Certeficaçon: Marina Santos, Técnica RBC; Isabel Vilares, Formadora Matemática i Tecnologies; Adélia Gomes, Abaluadora Sterna; Helena Chéu, Persidente de l Campus Académico; Júlio Meirinhos, Lhéngua Mirandesa; Amadeu Ferreira, Lhéngua Mirandesa; Carlos Silvestre, Coordenador CNO; Alfredo Cameirão, Formador Lhenguaige i CidadanieYá stá! Zde onte a la tarde, hai dous pertueses que ténen un diploma de l ansino básico (9º anho), passado pul Menistério de l Eiducaçon, por un trabalho todo el zambolbido i registrado an Lhéngua Mirandesa.
Albertina de São Pedro i Luís Silva tubírun onte, ne l Campus Académico de Macedo de Cabaleiros de l Anstituto Piaget, l sou Júri de Certeficaçon de Cumpeténcias cun que acabórun l sou Porcesso RBCC. Podeis ber notícias eiqui ou eiqui (oubrigado, ah Thierry!).
You tamien me podie poner eiqui cun ua licantina, de cumo corriu , de cumo nun corriu, se stubo todo bien i assi. Nun bal la pena. Se quejirdes saber se corriu todo bien bonda firmá-bos bien na cara de por sor Amadeu i lhougo bedes que tal stubo la cousa!
Ah, i nun bos squéçades: Albertina i Luís son de San Pedro!
2 comentários:
Buonas nuites,
You cuidei que Albertina i Luís serien inda bien moços, mas beio que Albertina ye ua rapaza de l miu anho i Luís bien mais nuobo, mas tamien yá na casa de ls quarenta. Se yá mercien ls parabienes pul feito, esses parabienes son agora an dobro.
Un abraço bien arrochado,
Francisco Domingues
Buonas nuites,
Quiero eiqui deixar registrada la mie oupenion: este porcesso ye ua marca stórica pa l mirandés, an todos ls sentidos que la palabra «stórico» ten; esse porcesso cuntou cun muita giente para ir palantre, mas nun puoden quedar dúbedas quanto a quien fui l sou repunsable zde de la purmeira hora i, portanto, merece todos ls galardones: Alfredo Cameirão.
I queda todo dezido, al menos para mi.
Un abraço mais ua beç, Alfredo,
Amadeu
Enviar um comentário