12/06/09

dous anhos de frolesmirandesas

Ampeçou este blogue an 7 de júnio de 2007, de modo que acabou de fazer dous anhos. Por esso ye altura de eiqui benir a dá-le ls parabienes a la quadrilha que l ten mantenido cumo un de ls blogues mais dinámicos an mirandés i, seguramente, cumo l blogue mais repersentatibo de giente de defrentes tierras de Miranda.
Ls mius botos son de que cuntine a ser un blogue de referéncia de la lhéngua mirandesa i que la quadrilha nun pare de crecer i de se diberseficar i que nunca perda fuorça para l lhebar palantre. Que se mantenga cumo un blogue simples, çpretencioso, mas cheno de bida. Ye ua proua pertencer a esta quadrilha.
Un abraço para todo mundo.

3 comentários:

Adelaide Monteiro disse...

muitos parabienes a todos. Bóta a medrar! Queremos mais para encher-mos l terreiro de la Trindade no die 22 de Agosto.
Ala, bota a screbir!
Bs a toda la quadrilha.
Adelaide

Almendra disse...

Sociadade que nun gera andrento deilha la çcuçon, nin ye libre, nin democrática. La nuossa de las frolesmirandesas tamien nun poderie ser ua roseira se nun tubisse spinos.

Ba, un abraço a todos que bien l merecemos.

Un bien haia a Amadeu por la haber ampeçado.

Zé Chico i Almendra

franciscobelharino disse...

Buonas nuites Amadeu,

Parabienes al ''frolesmirandesas'', a toda la quadrilha i a ti Amadeu por haberes tenido esta buona eideia de criar l blogue adonde ténen aparcido muitos scritores.

Un abraço,

Francisco