29/03/09

Puonte de las Barcas





Fai hoije duzientos anhos (fui l 29 de Márcio de 1809) que se dou ua de las maiores traigédias de la nuossa stória, l zastre de la Puonte de las Barcas.

Porque fui an Pertual, ne la cidade de l Porto, ne l riu Douro, ne l Norte de l nuosso Paíç que tanto diç a todos nós i ls stramuntanos, este die ten que star siempre bien bibo an nuossa mimória.

Muitas rezones de l zastre inda naide fui capaç de splicar bien, mas la fugida de las gientes por bias de la guerra debe ser la rezon mais fuorte, siempre la maldita guerra. Seia d’acupaçon, de ganáncia ou de poder ye siempre ua capa de bergonha, de muorte i de sangre.

To l mundo sabe porque tenie este nome, to l mundo sabe l nome de l ambasor, l que l mundo ten que saber ye que la muorte de pobo zbalido nunca se puode squecer.




3 comentários:

Ana disse...

Essa tragédia, Amigo Faustino, acunteciu un die an que esse marechal de Napoleon - Nicolas Jean de Dieu Soult - fazie eisatamente 40 anhos. Naciu ne l die 29 de Márcio de 1769, faç por cunseguinte 240 anhos, na mesma aldé - Saint-Amans-la-Bastide - adonde tamien morriu (an 1851), acerca de la cidade de Mazamet (adonde hoije hai un liceu cul nome desse marechal de Napoleon) que queda talbeç a solo uns 50 kms de adonde moro aqui ne l Sul de la França.

Cumbén assi i todo relhembrar tamien un dado de la mais grande amportáncia: nesse mesmo més de Márcio de 1809, yá fazie quaije anho i meio que toda la corte pertuesa i bários milhares de pessonas, sien squecer l futuro rei D. João VI, habien deixado la capital - Lisboa - i zambarcado ne l Brasil, ne l Riu de Janeiro… Mas acunselhados puls Angleses i por bies de l miedo que tenien de ls Franceses… !
Quien sabe se essa tragédia de La Puente de las Barcas nun tenerie sido eibitada tamien(essa i outras !) se toda essa giente de la nobreza pertuesa que fui pa l Brasil na altura tubisse quedado mas ye an Perual para defender la populaçon que bien precisaba cumo fui l caso por eisemplo de todos esses habitantes de l Porto…
Ye solo ua pregunta que merece assi i todo ser feita porque pa l resto bien sabemos que yá ye tarde agora para tornar a fazer la Stória.
Mas que dá que pensar, dá !

Ana disse...

...Puonte de las Barcas...

Ana disse...

...Pertual..