Hoije bien cedico, quando lie un desses jornales que até mos chega a las manos sien l mercar, ende benie ua pequeinha ambora, bien amportante, dende un nun se quedar çcunfiado ne l que diç l jornal solo porque nun mos custou un chabo.
Alexandre Fernandeç, baliente cronista que se bota a dezir cousas bien guapas i úteles pa l nuosso çamarro, fala de nutriçon. Ten la coutela de dar buns cunseilhos, dezir l que fai bien, quando i cumo se debe quemer. Diç-mos que quemer bien ye quemer bárias bezes al die i quemido saludable, tenendo siempre an cuonta las berduras, fruitos sanos de la temporada, i por ende el bai botando falas bien certicas acrecentando, buer muita auga.
Iba lendo esta ambora i percuraba-me se este tiu nun era de l tiempo de mie mai. I alhá me benie a la lhembráncia l caldo feito por eilha to ls dies, que quedaba arrimado al borralho de la chamineia para se mantener caliente, para mi i pa ls mius armanos, quando salie cun miu pai pa las lhidas de l campo ou cul ganado i nós bien lhampeiros ne l recreio de meidie beniemos a almorçar.
Feito de berças galhegas de la lhata de la Barreira, de bainas de la huorta stercada culas caganetas de la corriça i ua colher d’unto de l cochino cebado a lhabaduras, que até las nuossas bochenchas relhuzien de lhambuzadas l restro de la tarde, éran las caçoladas que mos fazírun crecer i ser saludables até hoije. De fruita era la que las amoreiras i las silbeiras dában, ls cerimeinhos, las maçanas, brebas, cereijas, melancies i melones ne l sou tiempo.
Quanto a auga, esso era l que nun mos faltaba, un botaba-se de queixos adondequiera, ne ls nacientes, nas fuontes i ne ls ribeiros corrie clarica i lhimpa cumo béu de moça fidalga an die de missa, i ne ls poços cula mano.
Hai ua cousa que este eilustre cronista nun fai, ye dar l quemido pa l sprito saludable, i cuido you que stá a fazer muita falta, a spreitar para esse tiempo, you tenie-lo, se benie agarrado al caçuolo nun sei, l que sei ye que l tiempo fuora de la scuola passaba-lo sien cobradeiros de cabeça, cun fuorça nas canielhas dando pinotes por aqueilhes carreirones de l termo.
Alexandre Fernandeç, baliente cronista que se bota a dezir cousas bien guapas i úteles pa l nuosso çamarro, fala de nutriçon. Ten la coutela de dar buns cunseilhos, dezir l que fai bien, quando i cumo se debe quemer. Diç-mos que quemer bien ye quemer bárias bezes al die i quemido saludable, tenendo siempre an cuonta las berduras, fruitos sanos de la temporada, i por ende el bai botando falas bien certicas acrecentando, buer muita auga.
Iba lendo esta ambora i percuraba-me se este tiu nun era de l tiempo de mie mai. I alhá me benie a la lhembráncia l caldo feito por eilha to ls dies, que quedaba arrimado al borralho de la chamineia para se mantener caliente, para mi i pa ls mius armanos, quando salie cun miu pai pa las lhidas de l campo ou cul ganado i nós bien lhampeiros ne l recreio de meidie beniemos a almorçar.
Feito de berças galhegas de la lhata de la Barreira, de bainas de la huorta stercada culas caganetas de la corriça i ua colher d’unto de l cochino cebado a lhabaduras, que até las nuossas bochenchas relhuzien de lhambuzadas l restro de la tarde, éran las caçoladas que mos fazírun crecer i ser saludables até hoije. De fruita era la que las amoreiras i las silbeiras dában, ls cerimeinhos, las maçanas, brebas, cereijas, melancies i melones ne l sou tiempo.
Quanto a auga, esso era l que nun mos faltaba, un botaba-se de queixos adondequiera, ne ls nacientes, nas fuontes i ne ls ribeiros corrie clarica i lhimpa cumo béu de moça fidalga an die de missa, i ne ls poços cula mano.
Hai ua cousa que este eilustre cronista nun fai, ye dar l quemido pa l sprito saludable, i cuido you que stá a fazer muita falta, a spreitar para esse tiempo, you tenie-lo, se benie agarrado al caçuolo nun sei, l que sei ye que l tiempo fuora de la scuola passaba-lo sien cobradeiros de cabeça, cun fuorça nas canielhas dando pinotes por aqueilhes carreirones de l termo.
3 comentários:
Faustino, querido amigo:
Quedei cun auga na boca de todo quanto faleste:
L caldo, l caçuolo, l áuga de las funticas, de ls pinotes tan salutares, a correr cun la bulsica colgada adonde la piedra se rebolcaba, para un lhado i outro ,,,todo, todo.
You tengo pena de ls ninos de agora, cun tantos cubradeiros de cabeça i hourários de correries para todo, cumo sous pais que nun ls deixa tiempo para sunhar i eimaginar cousas cun creatibidade.
Nuobos tiempos, cun nuobos anti-depressibos.
Beisico para ti i para todos ls amigos.
Adelaide
Caro Faustino
Pus quin de la nuossa giraçon, nacido n´aldé, nun ten bunas recordaçones de l caçulico çpuis dua corrida de la scuola al meidie pal almuorço. Todos dezimos buns tiempos. Hoije ya nun hai caçulico nin garotos. Beninos todos pala cidade, perdimos l calorico daqueilhas brasicas mornas, i tamien perdimos la cumpanhie duns de ls outros
un abraço
Válter
Buonas nuites amigo Faustino,
Tamien you eiqui hai tiempos publiquei ua crónica ne l Jornal Nordeste que fala de l mesmo assunto, i nun sei se la chegueste a ler. Apuis inda la publiquei ne l SAL.
Cousas que nunca mais se squécen.
Un abraço,
Amadeu
Enviar um comentário