Tiu Armando cortando uns galhicos
Hoije a la purmanhana acabei d’amanhar este testo i hoije ye Demingo de Ramos pa ls crestianos. Zde garoto, quedei siempre cun muita afeiçon a este Demingo. Ancuntraba ne l que se fazie nesse die algo mais lhiado a las pessonas, al sou çtino, a la bida que ls mobie. Nun quier dezir que ls outros dies de nomeada, la Sumana Santa, i l Demingo de Páscua los squecira de todo i nun fússen tamien amportantes. Mais digo, l sentido que se daba a esse die tenie mais a ber cula gientes i l sou die a die, aqueilho an que eilhes siempre acraditórun. Inda cuntino a pensar assi.
Neste die miu pai çtribuie por todos de la família galhicos d’oulibeira i assi íbamos a missa. Adonde miu pai ls arranjaba nun l sei, porque an Zenízio oulibales quando mi upai criou la garotada nun m’acordo de haber. Mas sabie porquei ls lhebábamos a la missa, quantos éran i porquei el fazie tanta fé i ampeinho nisso. Éran tantos quantas las tierras de trigo, centeno, cebada que el habie sembrado esse anho, i lhebábamos-los a la missa pa la benzedura.
Un apuis outro, lhougo nessa tarde de Demingo de Ramos fazie la ronda puls panes i ende bien al meio, spetaba l galho d’oulibeira benezido. Tenie fé que l’auga benta que ls galhicos d’oulibeira lhebában pa l pan tubíssen la bertude de fecundar, multeplicar por muitos ls granos nas fituras spigas i portegé-los de maleitas, pragas ou truniadas. Era todo un acraditar benido d’alhá bien andrento del, a nun ser assi s’algue cousa de malo benisse atiçaba ua rebuolta de nun l haber feito. Çcançaba l sprito, todo staba lhiado al tiempo i a quien porqui fazie fusse l que fusse para nun faltar l pan.
Ls galhicos d’oulibeira ende quedában ne ls panes, siempre d’atalaia, cumo se de begilantes bibos se tratasse, assi mandaba la fé de quien alhá ls ponie. Cun eilhes l pedido de que gránen bien, assi i todo nun era pedir muito, puis quien pide cun deboçon solo pide l que percisa.
Inda hoije assi acuntece cumigo, ralo ye l anho que mesmo nun sembrando pan nun l faga, ne l Demingo de Ramos lhiebo un galhico d’oulibeira i apuis l recuolho-lo an casa. Ende queda l anho anteiro, cumo se you pedisse la porteçon de la melhor sembra que tengo.
Tamien sabie, quando era garoto, que Demingo de Ramos, Sumana Santa, Domingo de Páscua querien dezir temporada de spráncia. Cousa que ne l tiempo de garoto cuidaba que staba a mano, i agora de bielho beio que ye ua cousa que ten que se fazer muita fuorça pa la tener. Mas que nunca se debe perder.
Neste die miu pai çtribuie por todos de la família galhicos d’oulibeira i assi íbamos a missa. Adonde miu pai ls arranjaba nun l sei, porque an Zenízio oulibales quando mi upai criou la garotada nun m’acordo de haber. Mas sabie porquei ls lhebábamos a la missa, quantos éran i porquei el fazie tanta fé i ampeinho nisso. Éran tantos quantas las tierras de trigo, centeno, cebada que el habie sembrado esse anho, i lhebábamos-los a la missa pa la benzedura.
Un apuis outro, lhougo nessa tarde de Demingo de Ramos fazie la ronda puls panes i ende bien al meio, spetaba l galho d’oulibeira benezido. Tenie fé que l’auga benta que ls galhicos d’oulibeira lhebában pa l pan tubíssen la bertude de fecundar, multeplicar por muitos ls granos nas fituras spigas i portegé-los de maleitas, pragas ou truniadas. Era todo un acraditar benido d’alhá bien andrento del, a nun ser assi s’algue cousa de malo benisse atiçaba ua rebuolta de nun l haber feito. Çcançaba l sprito, todo staba lhiado al tiempo i a quien porqui fazie fusse l que fusse para nun faltar l pan.
Ls galhicos d’oulibeira ende quedában ne ls panes, siempre d’atalaia, cumo se de begilantes bibos se tratasse, assi mandaba la fé de quien alhá ls ponie. Cun eilhes l pedido de que gránen bien, assi i todo nun era pedir muito, puis quien pide cun deboçon solo pide l que percisa.
Inda hoije assi acuntece cumigo, ralo ye l anho que mesmo nun sembrando pan nun l faga, ne l Demingo de Ramos lhiebo un galhico d’oulibeira i apuis l recuolho-lo an casa. Ende queda l anho anteiro, cumo se you pedisse la porteçon de la melhor sembra que tengo.
Tamien sabie, quando era garoto, que Demingo de Ramos, Sumana Santa, Domingo de Páscua querien dezir temporada de spráncia. Cousa que ne l tiempo de garoto cuidaba que staba a mano, i agora de bielho beio que ye ua cousa que ten que se fazer muita fuorça pa la tener. Mas que nunca se debe perder.
Ua Sumana Santa para todos son ls mius deseios.
Se este pan fusse de miu pai tenie alhá un galhico d'oulibeira, pula cierta.
7 comentários:
Acabei de chegar de la missa de ramos i anquanto la mulher acaba de fazer l almuorço, bin a dar ua buolta por ls sitios de l mirandés.
Achei l tou testo, mas que cousa mais linda.
Dius te l pague.
Ua buona Páscoa para todos.
Almendra
Amigo Almendra
Hai uns dies datrás nun comentairo, para alhá de mais cousas guapas dezies:
....Quanto a la giente de Zenízio nunca la squeço, porque fui la mie purmeira scuola cumo porsor eifetibo,1967....
You scapei-me an 1966 pa la marina, mas deixei alhá, pai, mai armanos, l coraçon i l'alma.
L que que bou a dezir dun amigo que fala assi de ls Zenízienses, lhougo de ls muis i daquel cachico que me rouba inda hoije acá an Lisboua, l mais de ls mius pensamientos?
Nun tengo palabras.
Yé ua honra tener amigos assi.
Mas puodo dezir que la nuossa stima por pessonas assi ye muita i taluda i nunca las squecemos, que la nuossa puorta stá siempre abierta.
Spero que ls boubielhos téngan respundido siempre i al mesmo nible tamanha admiraçon.
Que admireis ls Zenízienses por muitos i muitos anhos, son ls mius deseios.
Tamien quiero ua buona Páscua para todos.
Un abraço.
Buonas nuites Faustino,
Mui guapa la questume que mos cuntas i que sei que eisistie an muitas tierras. An Sendin nun era assi, al menos para todo mundo.
Tamien you an tiempo screbido ua cuonta chamada Demingo de Ramos i que stá publicada ne l diariodetrasosmontes.com, i ye de 2002.
Cuntina a cuntar-mos cousas dessas.
Un abraço,
Amadeu
Oulá Faustino
Ne l Deimingo de ramos era de cierto ua missa çfrente, porque l ramo de oulibeira que lhebabamos, era ya por si solo, ua grande proua. Quiro dezir-te que ls ramos de oulibeira eran çtribuidos pul molineiro que nesse die bien cedo, an beç de traer la carrada de farina traie ua carrada de ramos de oulibeira.
Oubrigado por relhambrares esta tradiçon
Un Abraço
Válter
Pus l anho que you fui sacristán - an Cicuiro era al responsable por dar ramos a toda la gente, de oulibeira ou de madronho - tube que ir an riba de un burro ruço anté las arribas de Cércio por eilhes.
Caminadas ...
Abraços
Buonas nuites,
Á Válter, anton era l molineiro que traie ls ramicos de oulibeira... I sabes adonde iba a saber deilhes?
Á Boeiro, essa caminada de Cicuiro até Cércio inda ye un cacho buono. I apuis ibas a que oulibeiras? I las pessonas dalhá nun te renhien?
Cumo an Sendin siempre oubo oulibeiras nun fazie eideia de bós, pa la raia las traiedes de loinge.
Tamien nun sabie que lhebában ramicos de madronheiro.
An Sendin lhebaba-se, cuido que inda cuntina, ramos de resmenino i de oulibeira.
Abraços,
Amadeu
Naquel tiempo miu pai staba de guarda no posto de Cércio, ua casetica que habie pa los lhados de Bila Chana.
Las oulibeiras nun sei de quien eran mas dou fé de ser alhá pa las arribas acerca duns sbarrulhados que diç que éran de un antigo cumbento i acerca dal sítio onde se passaba para Spanha cun uas cuordas e uas trasgas ...
Los madronhos benien de los cabeços de Angueira ou de Sanjoanico por causas que an Cicuiro sólo habie pelhiços e alguas çreijas no brano.
Nun pudiemos tener todo(!) nun te parece?
Abraços
Enviar um comentário