14/04/13

Cumbíbio/jogos tradecionales de 2013



Cumo ten acuntecido hai uas buonas dues dúzias d’anhos, tamien anstanho l’Associaçon Cultural i Recreatiba Nial de la Boubielha (ACRNB), bai pormober mais ua beç l eibento “cumbíbio/Jogos tradecionales de l 1º de Maio” na Quinta da Marialva – Corroios (tamien conhecido pul terreiro de las feiras i fiestas)

Mesmo yá stando l porgrama publicado ne l site www.nialdelaboubielha.org (uorgano oufecial n’anternete de l’Associaçon), eiqui deixamos la ambora para conhecimento de todos.

Hai que dezir que la direcion de l’Associaçon nunca se poupou an sfuorço i dedicaçon para que todas las einiciatibas pormobidas pul’Associaçon séian un eisito, l que ten acuntecido, tamien desta beç assi bai acuntecer, dende desear que to ls Zenízienses, sous familiares, parientes, cunterráneos i amigos steian persentes.

L cumbíbio, ls jogos, todo stá abierto a todos, naide queda de fuora, ten sido i cuntina a ser ua regla d’ouro recebir to l mundo que querga star cun nós.

L porgrama stá publicado ne l site, ye solo fazer ua lheitura i tener ganas de cumbíbir.

 

1 comentário:

leonardo antao disse...

Buonas nuites Faustino,

Muito oubrigado por este testo de dibulgaçon de l porgrama de l “cumbíbio/Jogos tradecionales de l 1º de Maio” de l qual çtaco:
“L cumbíbio, ls jogos, to stá abierto a todos, naide queda de fuora, ten sido i cuntina a ser ua regla d’ouro recebir to l mundo que querga star cun nós”.

Amportante neste cumbíbio ye que todas las pessonas ténen la possiblidade de s’ajuntar, cumbibir, de comer sardinas i febras, de molhar las gorjas cua pinga, de jogar l fito, la barra i outros jogos típicos de las aldés mirandesas.

Ne l miu númaro de telemoble falta l númaro 6, pul que l correto ye: 96 266 41 67.

Un abraço,
Leonardo