12/01/13

A M (ADRIANO MOREIRA) – mais ua curjidade!
 
 
L Centro Cultural Adriano Moreira, l mais relebante eiquipamiento cultural de la region, fui durante sieclos çtinado a fines eiducatibos. Custruído ne l'anho de 1562 para Cumbento de Freiras Claras fui antregue als Jesuítas adonde fundórun un prestigiado Coleijo. Cula spulson de la Orde ne l'anho de 1759, ende se anstalou an 1766 l Seminário Diocesano; de 1853 a 1968 l Lhiceu Nacional i de 1968 a 1995 la Scuola Preparatória Augusto Moreno.
 
Recuperado ne l'anho de 2004 pul Munecípio, eiqui stan anstaladas: la Biblioteca Municipal; la Biblioteca Adriano Moreira; la Academie de Lhetras de Trás-los-Montes; l Cunserbatório de Música;  Salas de Sposiçones i spácio de mimória de la Cidade.
 
A 05 de Outubre de 2010, la Cámara Municipal atribuiu l nome de l Porsor Adriano Moreira al Centro Cultural Municipal, eniciatiba que simbolicamente houmenageia la grandeza de muitos strasmuntanos, homes i mulhieres qu'al lhongo de sieclos ténen dignificado i enaltecido l'eidantidade strasmuntana, ne l qual l sentido de l deber i d'honra, son marcas de la nuossa Stória.

2 comentários:

Ana disse...

Anfeliçmente nien todo ye purfeito. Ua biblioteca nunicipal por eisemplo, na capital de l çtrito inda porriba, ancerrada als sábados cumo you me dei de cunta nun ten sentido! Nun bonda dezir que hai este ou outro eiquipamiento, antressa tamien saber se todas essas anstalaçones stan efetibamente al serbício de todos ls cidadanos i de que maneira.

Jose Almendra disse...

Tenes rezon Ana, pouco ó mas nada se fai para l pobo! L nome fui para agradar i la biblioteca para dezir que se fizo outra obra i que se apoia la cultura! La cultura de la classe média, de ls doutores i antelectuales para se eilebáren uns als outros!