17/07/12

Nobreza, nobreza…



Tengo que deixar estas Froles para outros hourizontes…

I se todo correr bien, ála até Bersalhes !

Para ber l' expo dessa artista pertuesa, Joana Vasconcelos, i antre outras pieças: esses çapatos de “Marylin” feitos anteiramiente... cun panelas de alumínio! essas que yá naide quier porque parece que l alumínio nun ye l que hai de melhor para l cuntato culs alimentos...

I bós Luís XIV, stan a la buossa altura esses çapatos tan, tan speciales ?  

8 comentários:

Unknown disse...
Este comentário foi removido pelo autor.
Unknown disse...
Este comentário foi removido pelo autor.
Unknown disse...

Esse luxo Ana, ye l que faç andar ls anteletuales, ls artistas, ls que bíben cul sudor de ls outros!
Quanta giente de l pobo trabalhou, passou fame, fui perseguida para eisistíren ls que ténen solo tiempo, para gozar l que cháman de cultura, de arte!

Ua música, un lhibro, ua pintura son arte.

I ua huorta nas arribas, i ua binha, i ua oulibeira cun un pardonico junto a ua fraga a la borda de l riu? Nun bálen nada? Nun son arte?
Naide ls amostra para se íren a ber!!
Quien ls fizo nun tubo subcídio! Naide l dou balor! Até ls filhos i ls nietos déixórun de ls ir a ber apuis de crecidos.

Son estas cousas que mos debíden Ana! Estes son ls miu artistas. ls mius idolos. Cun quien merendo i bebo un copo, cun quien falo mirandés. L mirandés berdadeiro. L que falában mius i tous abós, mi mai que nien ler sabie! Esses son ls pertueses de honra!

Unknown disse...
Este comentário foi removido pelo autor.
Unknown disse...
Este comentário foi removido pelo autor.
Unknown disse...

Ana,

Algua giente nun me cumprende, you sei!

Outra queda cun miedo de ler l que scribo!

Mas solo ua cousa mais:
Fálan tanto de ls sapateiros de Sendin, l que passórun, l trabalho que tubírun para daprender a fazer uns sapatos.

Quando tou pai fizo ls purmeiros i até aqueilhes pequerruchicos, se calha para ti, nun fui l maior artista de Sendin?

Mas essa Joana Vasconcelos ye que ye l’artista, se calhar de la tue squierda!

Manuel Paxareiro miu primo, ye artista maior que eilha.

Essa pantomina de sapatos de alumínio, de las panelas que nien para fazer l caldo sírben, bálen melhones, son arte de telbison! Ye essa cultura que arruinou ls países i bai deixando anfelizes ls que trabálhan i trabalhórun cumo tou pai, porque até ls sous amores le tirórun.

Tiégui disse...

Ana, pudeis star cuntenta que ya se murriu´l vuossu sturiador favoritu !

Ana disse...

Tiegui,

Quando tubires tiempo, splica-me quien ye ou era "l miu sturiador favoritu" porque you nun stou a ber a quien te stás a referir.

Bien haias.