07/07/12

Miu pai



― An 58, houbo eileiçones an Pertual. You tenie 19 anhos i cumo quaije todos ls sapateiros que trabalhában na oufecina de tiu Eiduardo Aleixo l  que queriemos ye que Humberto Delgado ganhasse las eileiçones i sabiemos que staba an cundiçones de las ganhar. Yá na altura muitos de nós queriemos que las cousas mudássen senó nun tardarie a que mos scapássemos todos pa la França. I fui por acaso l que acunteciu cumo tu sabes. Ora ne ls dies antes de las eileiçones, houbo até quien chegasse a ir a colar cartazes a fabor de Humberto Delgado an Sendin mas tamien houbo quien, delantre de todos, chegou a ls ir a rasgar. Quieres que te diga quien ?
― Quiero !

[....]
― Un die, poucos anhos depuis, fui cumbidado a ir a un casamento. An Sendin. Naquel tiempo, alguns quaije morrien de fame mas la boda fui cumo se questuma dezir “a la grande i a la francesa”! Nun faltaba nada! Habie fartura de todo tanto para quemer cumo para beber!  Tamien s’assentórun a ua mesa uns quantos padres (Éran mais de binte!). Puis, l que eilhes nun comírun i bebírun! You cula fame que tenie tamien fiç eigual i tamien outros cumo you mas la defrença ye que nós teniemos pouco mais que la piel anriba de ls uossos porque passábamos l tiempo todo a trabalhar (na oufecina i tamien ne l campo cumo a mi m'acuntecie, a mi i a outros!) anquanto eilhes, esses padres todos,  nun tenien cara de giente que passa muita fame. Acumparado cun nós, andában mas ye bien gordos i bien lhabados! Bien pouco tiempo debien de passar cumo nós passábamos nun só a trabalhar l die todo na oufecina cumo tamien a segar i a cabar porque ne l campo tamien faziemos falta.
Bés, cumo era la bida dantes ! Dius querga que nunca mais seia assi !  

         

9 comentários:

Almendra disse...

Ana,
Alhá benes tu culs padres i la política.
Mas que tenemos nós a ber culs padres? Quanto al regime de Salazar i de las eileiçones de Humberto Delgado, tu pensas que sabes, mas nun sabes nada. Sabes quantos botos tubo Humberto Delgado?
You sei i tamien cumo fúrun ls botos.
Quanto a la fame desse tiempo i a la fartura, ye eigual hoije. Tamien hai ls que bíben mal i pássan fame i ls que cumo ls padres nun le falta nada. Tu stás ne ls que nada falta, hoije sós cumo ls padres desse tiempo.
You inda hoije, andube nas huortas todo l die i nun me morri. Tu algua beç scabeste?

Ana disse...

Tamien yá scabei. Até quando andaba na barriga de mie mai!
Ye ua stória antiga cumo podeis ber.
Por esso pensai bien i subretodo pensai melhor !

Almendra disse...
Este comentário foi removido pelo autor.
Almendra disse...

Ana,

You inda guardo l papel que la giente tenie para poder cumprar las cousas, porque houbo racionamiento apuis de la guerra de 45.

La fame era por toda la Ouropa tamien!

Se tu scabeste antes de nacer mira a ber anton you que sou mais bielho.

Mi mai morriu fizo 20 anhos die dous i cun setenta i siete anhos, iba nesse die a botar remédio cul pulberizador! Cumo son las cousas, eilha inda tenie que ir an 1992 i tu yá passeabas pul mundo. Cumo son las cousas. I tu ye que sós pobo! Abogado sou you i mais de 500 sendineses me dórun la porcuraçon. A ti i als tous, quien bos la dou?
Nun adelantre querer ser l que nun sodes! Teneis la cuncéncia pesada i nada mais. Nun ampurreis ls outros para l buosso lhado de classe sploradora al serbício de l denheiro i de la beidade.

Ana disse...

Eimigrar quier dezir "passear", anton ??!!

Yá bos dixe que tenie la cunciéncia tranquila. Sodes adbogado mas nun sabeis ler ??!!

Almendra disse...

Tu antendiste bien l que you quije dezir!

Tou pai i tu mai son trabalhadores i de la classe ouperária. Gánhan i ganhórun menos que tu!

Quien ye splorador? Tu, ó eilhes? Quien ajuda quien?

Nun stamos a falar de tou abó, de mie bó. Deixa l passado, somos presente i ye agora que bibimos.

Quantos ampregos arranjeste para ls desampregados? Quantas bezes bás a par deilhes i fazendo l sou trabalho? Que sabes de squierda se nun passas de ua marionete de ls sploradores de l pobo?

Ana disse...
Este comentário foi removido pelo autor.
Ana disse...

Nun respondo a ningua dessas buossas preguntas porque son pura i simpresmente andecentes i móstran ua falta total de respeito.

La mie sinceridade stá feliçmente arriba de l buosso cinismo. I cumo yá nun tengo eidade para perder tiempo cun cousas sien antresse, acunselho-bos a adotar outra atitude. Ua atitude capaç tamien de merecer algun respeito.

Stá dito !

Almendra disse...

Esso yá you l sabie!!

Tanta giente a passar fame!
Tantos cun diplomas cumo Relbas i Socrates!
Tantos anteletuales i scritores de telbison!
Tanta giente feita pul poder!

Para quando la berdadeira democracie?
Para quando l poder de quien trabalha i nó de quien ten amigos nas telbisones i ne l stado?
Para quando uas eileiçones lhibres?

Estes si que son ls gritos que nun se púoden calhar.