16/07/12

Retratos


Será que Jesé Almendra ten mesmo jeito para mos ambaralhar ?

De maneira ningua !!
Quien sacou anton ls retratos que el eiditou onte ? 

Yá que el nun mos chegou a dar la respuosta (Custaba muito!), aqui la tenemos i sien andar cun cumplicaçones:

Gérald Bloncourt,  un francés oureginairo de l Haiti. Nun digo mais subre el porque tamien nun sei mais a nun ser esto :

Refréncias :

- Júlio Magalhães, Longe do meu coração, 2010, A esfera dos Livros, p. 6 (antre outras)

- ou tamien este bídeo an que ye possible oubir falar l retratista cumo tamien ber muitos de ls retratos que el sacou ne l anhos sessenta, an Champigny-sur-Marne percisamente, ne ls arredores de Paris. Puls menos dous retratos que Jesé Almendra quijo mostrar onte stan alhá: 


Mais un cumpatriota miu que gusto de oubir falar i se el ben de l Haiti mais ua rezon! Sabe bien el tamien de l que stá a falar !

P.S. A José Almendra tamien le aperpongo ber l bídeo cun atençon. Quien sabe se nun ban a aparcer alhá pessonas oureginairas de las nuossas tierras. Mas you cumo ye que poderei saber se nessa mesma altura i cun menos de 5 anhos de eidade inda staba pula cierta an Sendin, antes de irmos nós pal Sul de la França, nó pals arredores de Paris ?
Mas el, si! Porque sabe todo! Nun soubo fui dezir quien ls chegou a sacar esses retratos. Mas agora yá sabemos todos.  

6 comentários:

Almendra disse...

Ana,

Quien querie ambaralhar?
Tu ye que ambaralhas todo!
You nun tengo nada que t'ansinar, mas fago te studar. Bés cumo fuste a la anternete a saber?

Ls que you tirei nun tengo outorizaçon de ls poner, mas cumo estes son publicos fui un modo de te amostrar outra realidade. A la de la scrabatura de l séclo XX i eisistie na tue nobre Francia.

Hai un fotografo sendinés, que ten melhares de retratos de tol mundo i tamien desse tiempo. Mas nun stan na anternete.
Hai mais reportages cun alguns desses retratos sabies? Muito antes que essa.

You nun tengo la mania que sei, sei miesmo! Nó por ber na anternete ó por oubir dezir! You bi i bibi esse tiempo!

Tamien nun bou an cantigas de squierda i dreita. La tierra ye redonda, sabies?

Ana disse...

Bai pul mundo ou adonde querga que seia quien gusta de saber la berdade.

Bós bistes i bibistes esse tiempo mas nun fustes bós solo!

Cada un de nós ten tamien ua stória i só se torna grande aquel que sabe tamien oubir ls outros.

La tierra ye redonda mas hai tamien ua dreita i ua squerda i a cierta altura nun hai dúbeda assi i todo que bai todo a dar al mesmo...

Al mesmo...!

Almendra disse...

Quando ua pessona nun diç nada a perpósito de l que se stá a çcutir, percipalmente quando se trata de çcubrir la berdade, costuma se dezir:

- "Als costumes disse nada"

Ana disse...

DIXE...

ou anton:

DIXO...

Corregi, Primo !

Ana disse...
Este comentário foi removido pelo autor.
Almendra disse...

Tenes rezon!
Ye dixo!

Eilha, Ana, dixo nada!