03/07/12
L camino que tenemos que andar
Gonçalo staba nua staçon de serbício nua autostrada. Tenie parado eili para çcançar i staba a dar uas buoltas para zantorpeçer las piernas.
Chegou un bun carro i zumba, stacionou no lhugar çtinado a pessonas nun moblidade reduzida.
Gonçalo nun fui capaç de se calhar, i dixo l duonho de l carro.
L senhor nun biu que esse lhugar ye para pessonas cun moblidade reduzida?
BI!...bi. Respundiu l´outro.... Gonçalo nun se contube.
Nun ye bisiblidade reduzida, mas si moblidade reduzida.
I nada mais acunteciu.
Valter Deusdado
Subscrever:
Enviar feedback (Atom)
5 comentários:
Buonas nuites Valter,
A propósito de “l camino que tenemos qu'andar” relhembrei-me desta: “caminante, nun hai camino, fai-se camino al caminar”.
Un abraço,
Leonardo
Olá Caro Leonardo
Ye berdade. Mas quando nun respeitamos ls outros i talbeç ls mais fracos, la cousa bai mala. Anton l camino a percorrer inda ye lhargo.
Un abraço
Valter deusdado
Olá Caro Leonardo
Ye berdade. Mas quando nun respeitamos ls outros i talbeç ls mais fracos, la cousa bai mala. Anton l camino a percorrer inda ye lhargo.
Un abraço
Valter deusdado
Buonas nuites Valter,
Pegando na tua eicelente eideia, atrebo-me a dezir-te que la nuossa bida ye ua caminada “lharga” i cuntínua, an que l mais amportante debie ser “respeitamos (i ausseliarmos) ls outros … ls mais fracos”, para caminarmos nun camino cun menos anjustiças.
Un abraço,
Leonardo
Enviar um comentário