14/06/12


Chicha mirandesa a la cunquista de l mundo

La direçon de la Coperatiba Agropecuária Mirandesa (CAM) dixe onte star apostada an alargar la comercializaçon de chicha de bobino al mercado sterno debido a la crise que l setor atrabessa a nible nacional.

L'aposta na sportaçon de chicha de bobino de raça mirandesa passará por países cumo Fráncia, Anglaterra ó Lhuxemburgo. L mercado francés yá repersenta cerca de 8% de las bendas de chicha mirandesa de la coperatiba, qu'atualmente comercializa cerca de 2.500 carcaças por anho.

“Ne l'anho passado cunseguimos l maior belume de negócios de la stória de la coperatiba. Astanho, registámos un acréscimo seneficatibo, yá que l mercado se stá a ressentir debido als eifeitos de la crise”, dixe Nuno Paulo; assessor de la direçon de la CAM.  “Depuis dua abordaige positiba al mercado francés, stamos agora, zde l més de márcio, a tentar cunquistar l mercado anglés.”

Buona Ambora de l die, ne l jornal Metro de Quinta 14 Júnio 2012

Carne mirandesa à conquista do mundo

A direção da Cooperativa Agropecuária Mirandesa (CAM) disse ontem estar apostada em alargar a comercialização de carne de bovino ao mercado externo devido à crise que o setor atravessa a nível nacional.

A aposta na exportação de carne de bovino de raça mirandesa passará por países como França, Inglaterra ou Luxemburgo. O mercado francês já representa cerca de 8% das vendas de carne mirandesa da cooperativa, que atualmente comercializa cerca de 2.500 carcaças por ano.

“No ano passado conseguimos o maior volume de negócios da história da cooperativa. Este ano, registámos um acréscimo significativo, já que o mercado se está a ressentir devido aos efeitos da crise”, disse Nuno Paulo; assessor da direção da CAM.  “Depois de uma abordagem positiva ao mercado francês, estamos agora, desde o mês de março, a tentar conquistar o mercado inglês.”

Boa Notícia do dia, no jornal Metro de Quinta 14 Junho 2012


3 comentários:

Ana disse...

Buonas tardes, Leonardo,

Sportar para ganhar nuobos mercados...? Para países adonde yá hai muita carne i até buona carne cumo la França i l'Anglaterra...?!

You só spero que depuis Pertual nun seia oubregado a amportar carne de menos buona culidade i "fabricada" un bai alhá saber cun quei... Será que un jornal cumo Metro lhebanta tamien l problema? Tamien serie antressante saber i nó falar ounicamente subre un aspeto cul perigo de squecer todos ls outros. Mas será essa l'ambiçon desse jornal? Anformar corretamiente ls cunsumidores que tamien somos?

leonardo antao disse...
Este comentário foi removido pelo autor.
leonardo antao disse...

Buonas tardes Ana Marie,

You penso que stá correta la stratégia de sportar para ganhar nuobos mercados cumo la Fráncia i l'Anglaterra, porque la chicha mirandesa ye d'eicelente culidade, cun bantaiges qualitatibas, an special quando quemida cumo Posta Mirandesa, que ye un prato de ls que ten mais fama an buonos Restourantes, nun solo de las tierras de l Plaino (Miranda, Sendim, Mogadouro, Vimioso,…) mas tamien de la ária de la grande Lisboua, adonde you la tengo comido.

Nun acradito que, cumo cunsequéncia de la sportaçon de la chicha mirandesa, Pertual seia oubrigado a amportar chicha de menos buona culidade, porque la cantidade a sportar ye relatibamente pequeinha.

Nun puodo respunder pul jornal l Metro, mas berifico que, dua forma giral, se lhemita a dar amboras cúrties, siempre cula preocupaçon de “anformar corretamiente ls cunsumidores”.

Tremino, dando ls parabienes a to la direçon de la CAM, por esta eicelente eniciatiba de criar nuobos mercados, que poderán benir a tener un eifeito multiplicador de dibulgaçon, nun solo de la chicha, mas tamien de la lhéngua i de la cultura mirandesa, nomeadamente de ls Pauliteiros i de ls gaiteiros, que son outros buonos ambaixadores mirandeses.

Un abraço.
Leonardo