S´al menos pudiras oubir l sonido de ls suspiros
De ansiedade para arrimar al cais
S´al menos las tues manos sentíssen las mies
Deloridas las mies manos, morrindo-se an ais!
Guardados ne l siléncio dun scundideiro
Se al menos ls tous passos seguissen ls mius passos
Sien çculpas, an pormeiro!
S´al menos carreirones you pudira ambentar
Para ls spinos nun cortaren las palabras
S´al menos you pudira sigurar
L´ourbalheira de frescas madrugadas
Buída por un outonho a amenaçar
L cais
Ls braços
I las manos sangradas!
Se al menos you soubira sorber
Na çpedida dun sol que siempre torna
L airico lebe de sou çponer!…
Sem comentários:
Enviar um comentário