24/06/10

MAIS DUN ANHO DE BIAIGES

Nun ye só al Nepal
que quiero ir ne l Natal,
yá antes de Febreiro
i até l die de Gordo
quiero star a bordo
ne l Riu de Janeiro.
An Abril, augas mil,
depuis de star ne l Brasil
ye até la ilha de Páscoa
que quiero ir na Páscoa.
Ambarcarei an Santos
antes de Todos-ls-Santos
i yá na Guatemala
terei de fazer la mala.
Quando starei ne l Canadá ?
Mas you sei... you sei alhá?
porque esse guapo berano
quiero que seia cubano.
Tamien irei até la Rússia
spera-me alhá la mie Lúcia
i ne l Japon l miu Simon
l miu rapaç tan pimpon !

Mas an Nobembre
se bien me lhembro...
Ye an Miranda
que quiero star !

An Miranda, si,
na mie baranda,
i cun Fernanda !

Alhi…
un nun dezanda…

Antes d’ir pa la Houlanda
ou tamien pa la Finlándia
l’Eislándia, la Gronelándia
l Ruanda, la Nuoba Zelándia
l Ouganda, la Suazilándia...

i Disneylándia !

2 comentários:

ACangueiro disse...

You guosto de l Brasil i da Houlanda mais de Barcelona mas nun hai cumo Miranda i tamien gostada de ir a la Disneylándia.

Ana disse...

Buonas tardes,

An relaçon a Disneylándia, you tamien inda nunca fui alhá i se nunca chegar a ir, tengo la certeza que nun perderei grande cousa. Hai muitos outros sítios an França, muitos mesmo!, que you acunselho i que acho bien mais antressantes, outénticos i tamien menos dispendiosos que esse... Mas l que ye menos dispendioso nien siempre antressa las agéncias de biaiges (i las agéncias de biaiges pertuesas tamien). "Business is business !" Tamien ls Americanos sáben esso.