Sugeriu-me alguns pensamientos l sou redadeiro testo, Amadeu, antressante i guapo cumo siempre:
Nós que tubimos la suorte de daprender a ler nun eimaginamos por bezes las deficuldades que ténen todas essas pessonas – i inda hai muitas – que cuntínan a mal saber decifrar l que stá screbido i a nun ter acesso a muitas cousas que antretanto fázen parte de l nuosso die a die... cousas que mos parécen a nós banales cumo abrir i ler un lhibro ou un jornal, carregar ne ls botones dun cumputador para comunicar cun ls outros i l Mundo ou fazer tantas outras cousas inda...
Roubórun-le a essas pessonas a quien negórun l dreito de daprender a ler ua cousa que nun ten précio... Roubórun-le ua forma de lhibardade... I l resultado qual ye tamien? Aldés de l Anterior i dessas tierras de Miranda que se muorren als cachicos tamien a la medida que se ban morrendo essas pessonas...
Todo tenerie sido defrente tanto para eilhas cumo para nós, para todos, se noutros tiempos i inda hoije la cultura i la eiducaçon fússen cunsidradas cumo ua cundiçon eissencial –ua antre las mais amportantes - para que todos nua sociedade mos síntamos ls mais lhibres i felizes possibles.
Nun ye ua outopie. Debe de ser un objetibo.
3 comentários:
Cume tu dizes Ana, l melhor modo de dominar l pobo yê por bias de l'eignoráncia.
Que melhores apeias quereis do que essas?!
Tenes rezon, Ana,
L nun saber ler i screbir i l'eignorança de muita cousa son raízes de un ser menos lhibre. Mas nun ye solo esso, son tamien raízes de muita anfelecidade i de muito miedo, de muita falta de autostima i de amor próprio. Bien sentie la rábia an relaçon a essa situaçon quando me dezien: tu tira-te desta bida... Las pessonas sabien que esse era l ciclo de la reproduçon de probeza i que era perciso rumpé-lo. I yá que nun l podien rumper an relaçon a eilhas mesmas, al menos que l rumpíssen an relaçon als filhos: essa ye ua solidaridade giracional, que ye ua de las formas de amor.
Amadeu
Boa tarde a todos.
Eu concordo absolutamente que o conhecimento é um caminho para a Liberdade e que a ignorância é uma maneira de escravizar as pessoas.
Saber ler é muito importante. Numa primeira fase, aprende-se a juntar as letras e as palavras e a entender textos simples. Mas depois, é preciso aprender a descodificar mensagens mais complexas, com vários sentidos. E isto, infelizmente, há muita gente "alfabetizada" que não sabe fazer.
Concordo também com as suas palavras, professor Amadeu. Mas não posso deixar de manifestar a minha preocupação com o crescimento do número de licenciados que não conseguem emprego ou então têm empregos mal pagos e bastante precários.
Enviar um comentário