*
Rinqueira de Gamon
Rinqueira yá spigada
Rinqueira de GamonRinqueira yá spigadaFroles de Gamon [asphodelus ramosus]
Esta yerbeira dá-se bien an termo de peinhas, arenosas, adonde l suolo ye probe i seco. Nun quier dezir que nun s'ancontre an tierras buonas i fuortes.
Ne l termo de Zenízio ne l Barrocal un cabeçico cheno de peinhas i touças (que siempre fui l celeiro de piedras de ls probes que, nun tenendo adonde sacar piedra, ende íban por eilha para fazer las corriças i ls palheiros, puis ye baldíu) ancuntramos esta yerbeira a ringalheira.
2 comentários:
Esta ye ua yerba que se puode ancuntrar por todo l Praino i fui mui útele ne l tiempo de ls Zoelas i inda nun hai muitos anhos serbie de acendalha, quando seca.
Tamien la usában para alhumbrar.
De l lhado spanhol era eigual i fui tan amportante, que la poboaçon an frente de Miranda se chama Torregamones.
Por todo l termo de Torregamones la hai i ye un termo probe l que ben dar rezon a la tue anformaçon de que an Zenízio se dá an tierras probes.
Abraços
Almendra
Buonas nuites,
Ls palicos de gamoneira seca antigamente ousában-se para alumbrar a la nuite, yá l azeite era pouco i l gaç custaba denheiro i solo hai mui pouco tiempo ye que apareciu.
Quédan eiqui alguns ditos dezideiros mirandeses, que assocían ls gamones a la fartura:
anho de gamones, pan als muntones;
anho de bulhacas, pan pulas buracas;
anho de nubrinas, pan pulas cortinas;
anho de oulibas, fome pulas barrigas;
anho de belhotas, pobres pulas puortas.
Enviar um comentário