Antressante la citaçon de Albert Cossery, que Tortulhas puso hoije ne l blogue. Antressante, porque you tamien defendo l'amportança de tener tiempo para mandriar i acradito que esso mos ajuda a pensar. Mas cun lhemites, claro. Ua beç, oubi nua cunferéncia alguien a dezir que l zamprego ye ua cousa buona, porque mos dá tiempo para pensar. Si, mas cumo dezie Brecht, ye defícile pensar cul stómado baziu.
You, que já passei alguas bezes pul zamprego, acho que l tiempo lhibre nun ajuda a pensar porque star zampregado afeta la auto stima i la capacidade de bien pensar.
L que defendo ye que todos puodamos tener tiempo lhibre para pensar para tener hobies, para pensar i para mandriar. Tener trabalho ye buono, mas nun puode ser la única rezon de bibir. L eideal serie que todos tubíramos ua sumana laboral de 35 horas, mas nun beio las cousas a caminar nesse sentido. Talbeç porque al lhiberalismo, nun antréssan ls filósofos.
2 comentários:
35 horas ye demais. Agora ne ls dies pequeinhos yá nien sobra un cachico de sol.
Quando you era garoto, na mie tierra habie geiras a las manhanas. Acho que assi starie bien. Trabalhando a sério, claro, i nó al faç-que-faç-mas-nun-faç.
Tamien quedarie la lhibardade para quien gustasse muito de trabalhar i solo fusse feliç assi, poder trabalhar até 18 horas por die, mas sien recebir mais por esso, yá que la felcidade nun se paga.
Acho que ne l cachico deste comentairo me streportei pa la tierra de ls suonhos de Jorge Palma.
Un abraço
Biba Firmino,
Subre trabalho i tiempo para pansar, yá stou cumo l outro:
"Quien sabe fazer, fai.
Quien nun sabe fazer, bai a ansinar:
Quien nun sabe fazer nien ansinar, ye un antelequetual!"
Un abraço
Enviar um comentário