L zeníziense Amável Antão cuntina nua caminada sien la fin a la bista i, pula tan nobre rezon que l fai, que l seia por muitos i muitos anhos.
Agora cun mais ua sposiçon d’alguas de las sues máçcaras ne l Spital de Bergáncia até l die 31 de l més de Márcio, apuis ne l Spital de Macedo de Cavalheiros até l die 31 de l més d’Abril i inda stará ne l Spital de Mirandela até l die 31 de l més de Maio.
Tiu de poucas falas, nun bota oupenion subre el puis gusta mais que l sou trabalho l faga, de las sues pieças (máçcaras) i cumo todo ampeçou si dixo: sou artesano por acauso, i todo ampeçou cul cuntato que tengo cula natureza, ne l anho de 2003, quando çcubri que tenie alblidade para trabalhar la madeira, que todo staba ende bien arrimado a mi, i agarrei-le l gusto pul que fago i nun parei.
Ye cun estas poucas falas que tiu Amável se bira pa las bárias máçcaras que yá fizo i a cada ua bota sue cuonta, zde la scuolha de l palo até las partecipaçones an sposiçones séian eilhas andebiduales séian coletibas ne ls redadeiros anhos, ne ls bários prémios i nomeaçones hounrosas. Muitas de las sues máçcaras yá fúrun mercadas para quedáren siempre spuostas an museus de Pertual i Spanha, çtacando las que stan ne l “Museu Ibérico do Traje e da Máscara em Bragança”.
Son trabalhos que ne ls redadeiros anhos ténen merecido l reparo i l’atencion de muitas antidades oufeciales i d’anstituiçones particulares, todo por bias de la oureginalidade, por ser yá ralo ancuntrar quien l fai i l mote.
La forma i las caratelísticas de ls sous trabalhos son mui queridos i zlhumbrantes a to las gientes stramuntanas, antrando pul mundo fantástico i mítico, dende tener tantos i tan eilustres cumbites.
Naide queda andrefrente quando mira pa las sues pieças. Ne l berano atrasado quando besitei l museu “Museu Ibérico do Traje e da Máscara em Bragança”, you quedei cua percura que inda nun tube coraije de le fazer.
Da donde saca tanta eimaginaçon i cumo guardou tanto tiempo esta alblidade, angeinho i arte que hoije bota an cada pieça que sal de sues manos?
L sítio adonde se puoden ber ls sous trabalhos
http//:arte.e.artesanato.blogspot.com
Agora cun mais ua sposiçon d’alguas de las sues máçcaras ne l Spital de Bergáncia até l die 31 de l més de Márcio, apuis ne l Spital de Macedo de Cavalheiros até l die 31 de l més d’Abril i inda stará ne l Spital de Mirandela até l die 31 de l més de Maio.
Tiu de poucas falas, nun bota oupenion subre el puis gusta mais que l sou trabalho l faga, de las sues pieças (máçcaras) i cumo todo ampeçou si dixo: sou artesano por acauso, i todo ampeçou cul cuntato que tengo cula natureza, ne l anho de 2003, quando çcubri que tenie alblidade para trabalhar la madeira, que todo staba ende bien arrimado a mi, i agarrei-le l gusto pul que fago i nun parei.
Ye cun estas poucas falas que tiu Amável se bira pa las bárias máçcaras que yá fizo i a cada ua bota sue cuonta, zde la scuolha de l palo até las partecipaçones an sposiçones séian eilhas andebiduales séian coletibas ne ls redadeiros anhos, ne ls bários prémios i nomeaçones hounrosas. Muitas de las sues máçcaras yá fúrun mercadas para quedáren siempre spuostas an museus de Pertual i Spanha, çtacando las que stan ne l “Museu Ibérico do Traje e da Máscara em Bragança”.
Son trabalhos que ne ls redadeiros anhos ténen merecido l reparo i l’atencion de muitas antidades oufeciales i d’anstituiçones particulares, todo por bias de la oureginalidade, por ser yá ralo ancuntrar quien l fai i l mote.
La forma i las caratelísticas de ls sous trabalhos son mui queridos i zlhumbrantes a to las gientes stramuntanas, antrando pul mundo fantástico i mítico, dende tener tantos i tan eilustres cumbites.
Naide queda andrefrente quando mira pa las sues pieças. Ne l berano atrasado quando besitei l museu “Museu Ibérico do Traje e da Máscara em Bragança”, you quedei cua percura que inda nun tube coraije de le fazer.
Da donde saca tanta eimaginaçon i cumo guardou tanto tiempo esta alblidade, angeinho i arte que hoije bota an cada pieça que sal de sues manos?
L sítio adonde se puoden ber ls sous trabalhos
http//:arte.e.artesanato.blogspot.com
3 comentários:
Amigo Amável,
Gráçias a la anformaçon de tue armana Teresa, cunsultei l tou blogue i berifiquei que sós un eicelente arteson, mui abelhidoso, cun máscaras ampressionantes i cun muita eimaginaçon.
Tu sabes dar bida a un qualquier taruoço i beleza a un tarambolho.
Tenemos que dibulgar l tue guapa arte de artesano.
Para esso estás conbidado a benir apresentá-la ne l próximo eibento de la nuossa Associaçon Nial de la Boubielha, que yé ne l die 1 de Maio, l Piquenique e Jogos Tradicionais.
Spero que alguas dessas tues obras d’arte sirban de prémio i ofierta a antidades participantes ne ls eibentos de la nuossa Associaçon.
Parabienes pul tou eicelente trabalho i a Faustino por este antressante testo de dibulgaçon.
Leonardo Antão
Buonos dies amigos Faustino i Amável,
Amigo Amáble, parabienes por cuntinares a fazer de ls palos buonas obras d' arte. Parabienes tamien al Spital de Bergáncia que ten benido a fazer na sue antrada spociçones rigulares de artesanos i artistas tornando aquel spáco bien mais agradáble.
Parabienes tamiem a Faustino, por mais ua beç dibulgar trabalhos de ls Zenizienses.
Un abraço pa ls dous,
Francisco Domingues
Faustino i Amável:
A un parabienes pel dibulgaçon i l arte. Beiso pa ls dous.
Leonardo,
Nun te tengo falado.
Un beisico para ti deiqui deste cantico.
Adelaide
Enviar um comentário