Ls fins de semana ampéçan a ser maiores i cumbídan a fazer uns passeios a ber las froles que quieren spreitar ou a cuntamplar muito mais loinge l hourizonte refrescante cumo esta notícia que mos chega a passo de lhobo, a passos cuntados.
Un eisemplo que debemos saborear cun ua cierta deleitaçon positiba. De muito loinge ne l tiempo (un melhon e quinhentos mil anhos): acaba de ser eidentificado an las camadas sedimentares mui antigas, ne l Quénia, um cunjunto de pisadas de pies d’houminídios”. Rastros de passos, nua lhinha, recordaçones dun passeio an família, de certeza, ls antrepassados de ls nuossos antrepassados, cun un garotico. Adonde íban? De adonde benien? Rastros fixados de un mobimiento pra un çtino que mos quedará scundido até al fin de l mundo. Eimoçon que mos dá bertiges dua moblidade que se tornou piedra, acerca talbeç de l tiempo de l purmeiro “homo erectus” . Yá era l home an mobimiento, hai quinze mil seclos. I hoije, por todo l lhado, melhones d’houmanos, siempre a caminar, atraídos tamien por algo que poucas bezes somos capazes de chamar pul nome. Ua streilha, la felcidade, la prosperidade, la segurança, un Dius?
L passeio bai a cuntinar até al fin de ls tiempos.
L passeio bai a cuntinar até al fin de ls tiempos.
Adriano Valadar
3 comentários:
Buonas nuites, Adriano,
L que ye que queda de ls nuossos passeios? Será que ten de quedar algo? Antriçados an tantos seclos, l que son ls anhos dua bida? La berdade ye que essa caminada chegou até i sien eilha(s) nun seriemos l que somos.
Abraço,
Amadeu
Buonas tardes, porsor Amadeu,
L pouco que you querie dezir ye que las notícias refrescantes puoden benir de la ciência, de l cunhecimento. Estes passos até poderien ser ls de Adan i Eba, desses guelosos quando ls punírun fuora de l jardim. Mas tamien, i porque nó, de l camino de Santiago … de la procura de algo mais, dua streilha!
Un abraço
Buonas tardes, porsor Amadeu,
L pouco que you querie dezir ye que las notícias refrescantes puoden benir de la ciência, de l cunhecimento. Estes passos até poderien ser ls de Adan i Eba, desses guelosos quando ls punírun fuora de l jardim. Mas tamien, i porque nó, de l camino de Santiago … de la procura de algo mais, dua streilha!
Un abraço
Adriano
Enviar um comentário