Que tiempos outros i tiempos estes, ls ricos stan ricos, ls probes probes stan. Vieira, Antonho, cura, an sou púlpito boziando, dezindo a sous fieles que yá muitos anhos, Antonho, Santo de Lisboua ou Pádua, pregaba als peixes porque ls homes nun quieren oubir, scuitában l que le anteressa. You que digo…mas que digo you, mius pensamientos boltéian na miolheira: arrebalando nas scobeiras, puxando l chougarço, mirando l Douro, sburacando, amparedonando, scuitando miu pai: ah baliente… Onte fui l die de l pai, las mies rapazas, scuteiras zde pequeinhas, cun suonhos chenos, tanto le azocrinóran la molineira al pai que el se çfizo i fui a missa. L cura falou de la houmildade, de la fuorça i la coraige de San Jesé ser pai i nun ser l pai. Demudou assi tanto zde l tiempo de Jasus até ls nuossos dies l pensar i la strutura de l pensamiento de l home?
20/03/09
Demudou l pensamiento de l home?
Que tiempos outros i tiempos estes, ls ricos stan ricos, ls probes probes stan. Vieira, Antonho, cura, an sou púlpito boziando, dezindo a sous fieles que yá muitos anhos, Antonho, Santo de Lisboua ou Pádua, pregaba als peixes porque ls homes nun quieren oubir, scuitában l que le anteressa. You que digo…mas que digo you, mius pensamientos boltéian na miolheira: arrebalando nas scobeiras, puxando l chougarço, mirando l Douro, sburacando, amparedonando, scuitando miu pai: ah baliente… Onte fui l die de l pai, las mies rapazas, scuteiras zde pequeinhas, cun suonhos chenos, tanto le azocrinóran la molineira al pai que el se çfizo i fui a missa. L cura falou de la houmildade, de la fuorça i la coraige de San Jesé ser pai i nun ser l pai. Demudou assi tanto zde l tiempo de Jasus até ls nuossos dies l pensar i la strutura de l pensamiento de l home?
Subscrever:
Enviar feedback (Atom)
2 comentários:
Oulá amigo Antonho
Se cuidas que andas solico a fazer estas percuras zanganha-te. Zde hai muitos anhos tenes eiqui un cumpanheiro.
Mui pai tamien se chababa Jesé, nunca soubo l que era l die de l pai, nien l sermon de Santo Antonho als peixes ( de Pr. Antonio Vieira) mas tamien cun esso el nun s'amportaba, este filho nun sabie que habie un die de l pai, l que sabie i nunca squeciu fui que el lo fui siempre, to ls dies el lo era.
Nun gustaba d'anfámias de zounestos, tenie respeito pur todos ls que ganhában l pan cul sou sudor estes éran ls Jesus del.
Deixo-me esse pensar de hardança.
Amigo Antonho gustei de ber este testo i, mais te digo you cuntinuarei a percurar para ber s'antendo se la strutura de l pensamiento de l home demudou assi tanto.
Un abraço
Buonas nuites Antonho,
Bemos-te tan poucas bezes porqui que ye siempre un gusto mui grande quando apareces.
Desta beç trai-mos l Padre Antonho Bieira, autoridade fundamental a amostrar que yá muito tiempo ls oubidos de las pessonas son moucos a ciertas berdades. I nesso i noutras cousas, las cousas nun demudórun.
Un abraço,
Amadeu
Enviar um comentário