Nien que fura l nuobo treinador de l benfica!

Cumo fura hoije l purmeiro de Abril, you dezie-bos que este era l nuobo treinador de l benfica que habie acabado de chegar a Lisboua.

Mas nun bos quiero anganhar. Este ye Luís Silva, a la salida de l purmeiro júri de Certeficaçon de Cumpeténcias an lhéngua mirandesa.

Luís Silva ye nieto de tiu Caleijo de Fuonte Aldé, un mirandés de trás de l'oureilha.

Mirai se sou abó algun die feturarie que l nieto inda habie de se ber assi arrodiado de microfones (i pimponas que éran las rapazas!... ) por bias de l Mirandés!...

Ah, Luís Silva ye nieto de tiu Caleijo, mas ye Garrote... quier dezir que ye de San Pedro!

Yá stá

Porsor Amadeu Ferreira

Albertina de São Pedro, na sue apersentaçon

Luís Silva, na sue apersentaçon

L Júri de Certeficaçon: Marina Santos, Técnica RBC; Isabel Vilares, Formadora Matemática i Tecnologies; Adélia Gomes, Abaluadora Sterna; Helena Chéu, Persidente de l Campus Académico; Júlio Meirinhos, Lhéngua Mirandesa; Amadeu Ferreira, Lhéngua Mirandesa; Carlos Silvestre, Coordenador CNO; Alfredo Cameirão, Formador Lhenguaige i Cidadanie

Yá stá! Zde onte a la tarde, hai dous pertueses que ténen un diploma de l ansino básico (9º anho), passado pul Menistério de l Eiducaçon, por un trabalho todo el zambolbido i registrado an Lhéngua Mirandesa.

Albertina de São Pedro i Luís Silva tubírun onte, ne l Campus Académico de Macedo de Cabaleiros de l Anstituto Piaget, l sou Júri de Certeficaçon de Cumpeténcias cun que acabórun l sou Porcesso RBCC. Podeis ber notícias eiqui ou eiqui (oubrigado, ah Thierry!).

You tamien me podie poner eiqui cun ua licantina, de cumo corriu , de cumo nun corriu, se stubo todo bien i assi. Nun bal la pena. Se quejirdes saber se corriu todo bien bonda firmá-bos bien na cara de por sor Amadeu i lhougo bedes que tal stubo la cousa!

Ah, i nun bos squéçades: Albertina i Luís son de San Pedro!