Francisco Louça chamou dialecto a la léngua Mirandesa ne l porgrama «Cinco para a meia-noite»

Eiqui ua ambora.


Bídeo porqui, alhá pul minuto 47.

Dicas de la Anterneta

Ua beç yá tenie falado de l porgrama Dicas de la Anternete mas pa dezir que se tenien squecido que l mirandés ye ua léngua de Pertual. Agora peç que quedou amanhado l squecimento. Un bien haia pa l porgrama bá i pa l apersentador (que nun anganha a naide i bien se bei que ye de l Norte de Pertual).

Eiqui queda la ligaçon pa l Blogue de l porgrama Dicas de la Anternete de la RTP(N) i la reportaige que fazírun subre l mirandés na anterneta:

Nobre Pobo

Pa quien nun biu na telbison:

Bíblia an mirandés

An Miranda de l Douro, un home de 62 anhos traduziu la Bíblia an mirandés. L mais strourdinairo ye que tardou dieç anhos a fazé-lo, porque la traduçon ye a mano. Ye un trabalho de trés mil páiginas, an seis ambelumes, de l Antigo i de l Nuobo Teçtamiento.

'Nobre Pobo' na RTP N, die 19 a las 23h00

Biaige pulas tierras de Miranda de l Douro

Natural de Sendin, Amadeu Ferreira, de 59 anhos, ye un de ls portagonistas que ‘Nobre Pobo’, na RTP N, mos apersenta esta quarta-feira, die 19, a las 23h00.

Quando nun stá an Lisboua acupado cula rigulaçon de l setor financeiro i la defesa de l cunsumidores, aforristas i cunsumidores, Amadeu Ferreira, bice-persidente de la Comissão de l Mercado de Valores Mobiliários (CMVM), ye un acérrimo falante i defensor de la minoritaira léngua mirandesa.

Nua biaige al Nordeste pertués i a Miranda, ‘Nobre Pobo’ bai a cuntar-mos cumo ye que la léngua mirandesa cunseguiu subrebibir a todas las tentatibas d'eirradicaçon. Cun Amadeu Ferreira por guia, l porgrama de la RTP N fui coincer las tierras de Miranda, las sues gientes, la léngua i l dócil burro.

UN ANIMAL AN BIES DE STINÇON: L DÓCIL BURRO MIRANDÉS

L'abandono de l mundo rural, la macanizaçon de ls trabalhos agrícolas i la mistura de defrentes bariadades de ls burros son rezones que stan a lebar a la perda de las caratelísticas specíficas de la Raça de Burros de Miranda. ‘Nobre Pobo’ dá-mos a coincer este animal de pelo cumprido, oureilhas grandes, i çofino i uolhos pintalgados de branco, qu'ua associaçon tenta salbar a todo custo.

Ambora ne l "Correio da Manhã"

Nuobas ouportunidades: RTP

Ber minuto 2

Ua léngua de l Mundo i talbeç de Pertual

Stube hai pouco tiempo a ber las Dicas de Internete na telibison anquanto quemie qualquiera cousa i beio ua ambora subre l Verbix; que dixo na reportaige que daba pa cunjugar berbos an mais de 100 lénguas. Solo amostrórun que daba pa Pertués. Squecírun-se que Pertual tamien ten l Mirandés.

Mas buono; al menos you fui a ber i si daba pa Mirandés i fui grácias a la ambora de la RTP que çcubri. Queda eiqui anton la ligaçon:
Verbix pa Mirandés(aparece uas cousas stranhas; mas peç que si funciona l mais de las bezes).

Yá deixei un comentairo i uas sugestones nas Dicas de Anterneta; a ber que sal dende.