[Retrato de Alcides Meirinhos i Dinis Meirinhos]
LEITURA DE LS LUSÍADAS AN MIRANDÉS – JÚLIO MEIRINHOS (Retrato 075)
Júlio Meirinhos (1955) naciu an Sebilha, mas cunsidra se de Samartino
de Angueira, cunceilho de Miranda de l Douro. Eiqui bibe, anque passe l
mais de l tiempo por Biana de l Castielho por bias de l sou oufício cumo
Bice-Persidente de la Region de Turismo de l Norte. Studou an Bergáncia
i an Coimbra, adonde se formou an dreito.
Fui
Persidente de la Cámara de Miranda, Deputado, Gobernador Cebil,
secretairo de l Lhial Senado de Macau, i zampenhou bários outros cargos.
Ye falante de mirandés, ousando la nuossa lhéngua siempre que puode i
nunca perdendo ua ouportunidade para la falar i para falar deilha an
todo l lahdo.
Júlio Meirinhos quedou subretodo coincido porque fui
el a apersentar a la Assemblé de la República l porjeto que lhebou al
recoincimiento de l mirandés cumo lhéngua oufecial, apuis cumbertido an
decreto-lei 7/99, de 21 de janeiro. Nesse sentido puode dezir-se que
cuntinou la obra yá ampeçada anquanto Persidente de la Cámara, l único
persidente de la Cámara de Miranda que fizo un trabalho cunsistente pula
nuossa lhéngua i por esso quedará na stória cumo un de ls pais de l
mirandés moderno.
Liu las stáncias 61 a 77 de l Canto VI.
