Die Anternacional de la Mulhier
L Die Anternacional de la Mulhier ye celebrado a 8 de Márcio.
Ye un die comemoratibo para lhembrar i celebrar ls feitos eiquenómicos, políticos i sociales alcançados pulas mulhieres.
Las mulhieres que trabalhában an fábricas de bestuário i andústria téstil fúrun portagonistas dun desses portestos, an 8 de Márcio de 1857 an Nuoba Yorque, an que portestában contra las malas cundiçones de trabalho i las baixas pagas.
L’eideia de l’eisisténcia dun Die Anternacional de la Mulhier fui al ampeço aperpuosta na buolta de l seclo XX, ne l tiempo de crecimiento de l’andústria i spansion eiquenómicas que lhebou a muitos portestos contra las malas cundiçones de trabalho nas fábricas.
La stória rejista muitos portestos ne ls anhos seguintes al açucedido ne l die 8 de Márcio, çtacando-se un outro an 1908, adonde 15.000 mulhieres marchórun na cidade de Nuoba Yorque eisegindo la reduçon de l tiempo de trabalho, melhores ourdenados, i l dreito al boto. Assi, l purmeiro Die Anternacional de la Mulhier ouserbou-se a 28 de Febreiro de 1909 ne ls Stados Ounidos de l’América çpuis dua Çclaraçon de l Partido Socialista de l’América. An 1910, la purmeira Cunfréncia Anternacional subre la Mulhier fui an Copenhaga, cula direçon de l’Anternacional Socialista, i l Die Anternacional de la Mulhier fui stabelecido. Ne l anho apuis, esse die fui celebrado por mais dun milhon de pessonas n’Oustrália, Dinamarca, Almanha i Suíça, ne l die 19 de Márcio. Mas apuis eisistírun outros acuntecimentos, cumo l ancéndio na fábrica de la Triangle Shirtwaist, que tamien se dou an Nuoba Yorque, ne l die 25 de Márcio de 1911, adonde se morrírun 146 trabalhadeiras. Segundo esta berson, 129 trabalhadeiras durante l portesto tenerien sido ancerradas i queimadas bibas.
Ne l Oucidente, l Die Anternacional de la Mulhier fui comemorado durante las décadas de 1910 i 1920, mas smoreciu. Fui rebitalizado pul femenismo na década de 1960.
An 1975 fui porclamado cumo l Anho Anternacional de la Mulhier, i zdende l’Ourganizaçon de las Naciones Ounidas ampeçou a patrocinar l Die Anternacional de la Mulhier.
L Die Anternacional de la Mulhier ye celebrado a 8 de Márcio.
Ye un die comemoratibo para lhembrar i celebrar ls feitos eiquenómicos, políticos i sociales alcançados pulas mulhieres.
Las mulhieres que trabalhában an fábricas de bestuário i andústria téstil fúrun portagonistas dun desses portestos, an 8 de Márcio de 1857 an Nuoba Yorque, an que portestában contra las malas cundiçones de trabalho i las baixas pagas.
L’eideia de l’eisisténcia dun Die Anternacional de la Mulhier fui al ampeço aperpuosta na buolta de l seclo XX, ne l tiempo de crecimiento de l’andústria i spansion eiquenómicas que lhebou a muitos portestos contra las malas cundiçones de trabalho nas fábricas.
La stória rejista muitos portestos ne ls anhos seguintes al açucedido ne l die 8 de Márcio, çtacando-se un outro an 1908, adonde 15.000 mulhieres marchórun na cidade de Nuoba Yorque eisegindo la reduçon de l tiempo de trabalho, melhores ourdenados, i l dreito al boto. Assi, l purmeiro Die Anternacional de la Mulhier ouserbou-se a 28 de Febreiro de 1909 ne ls Stados Ounidos de l’América çpuis dua Çclaraçon de l Partido Socialista de l’América. An 1910, la purmeira Cunfréncia Anternacional subre la Mulhier fui an Copenhaga, cula direçon de l’Anternacional Socialista, i l Die Anternacional de la Mulhier fui stabelecido. Ne l anho apuis, esse die fui celebrado por mais dun milhon de pessonas n’Oustrália, Dinamarca, Almanha i Suíça, ne l die 19 de Márcio. Mas apuis eisistírun outros acuntecimentos, cumo l ancéndio na fábrica de la Triangle Shirtwaist, que tamien se dou an Nuoba Yorque, ne l die 25 de Márcio de 1911, adonde se morrírun 146 trabalhadeiras. Segundo esta berson, 129 trabalhadeiras durante l portesto tenerien sido ancerradas i queimadas bibas.
Ne l Oucidente, l Die Anternacional de la Mulhier fui comemorado durante las décadas de 1910 i 1920, mas smoreciu. Fui rebitalizado pul femenismo na década de 1960.
An 1975 fui porclamado cumo l Anho Anternacional de la Mulhier, i zdende l’Ourganizaçon de las Naciones Ounidas ampeçou a patrocinar l Die Anternacional de la Mulhier.
4 comentários:
Quiero pedir-te ua cousa, bás a poner este testo na bikipédia mirandesa ou dizes a Cecilio que l ponga alhá.
Mui bien, mas faziste-me poner l miu testo hoije, cuidando que yá era die uito. Mas nun amporta, queda yá para manhana.
Mando-le ua frol de almendreira.
Ls beisicos sáben a almendras.Hehehe
Un abraço
Almendra
Oulá amigo Almendra
Stá bien lhembrado, you bou a poner-lo alhá na bikipédia mirandesa, até que yá dei alhá colaboraçon a Cecílio.
You sabie que só manhana ye que ye die uito, por esso ye que l títalo ye esse.
Cuido que nun fai mal, nien l miu nien l tou ser publicado hoije.
L die ten muita amportáncia, debe ser lhougo de biesperas lhembrado
Un abraço
Faustino
Faustino,
Si senhor! Eiqui stá ua cousa amportante.
Beisicos.
Iá quant há (? ups, nun será assi!)que nun falaba cuntigo, besino!
Beisico de la Dexubadica pa l boubielho.
Adelaide
Buonas tardes Faustino,
Faziste bien an lhembrar las datas i las lhuitas que las mulhiere ténen tenido. Solo ye pena que inda seia neceçairo comemorar estes dies. Isto ye sinal que eilhas inda nun son cunsidradas an eigualdade culs homes an muitas situaçones.
Un abraço,
Francisco Domingues
Enviar um comentário