Antrórun pula sala adonde you trabalho na Ounibersidade de Coimbra als bózios i muito se rien a dezir que un falaba mui bien brasileiro. Ora caracho, falar bien brasileiro? Sin faltar al respeito al Brasil eilhes inda nun ténen ua léngua própia. Anton you dixe, pus you falo mirandés (i Spanhol se fur perciso). Nesto cuido que creciu algun antresse pul mirandés i pedírun pa falar a ber. Pus falar assi de rajada nun sal nada i apuis mei çcunfiórun. Anton, bá bamos eiqui a un blogue qualquiera i leio. Fui lendo i peç que quedórun menos çcunfiados i até achórun angraçado. Apuis tamien ua rapaza se puso a ler www.lhengua.blogspot.com. Dando you la ajuda que sabie, eilha alhá fui lendo i cada beç melhor (hai que dezir que mei le ansinei a falar a la moda de Sendin, tamien la única que you sei). Nesto la rapaza até se anscrebiu nun curso por ende i ten benido a preguntar pequeinhas cousas. Cumo se puode ber ne l retrato tamien bai ponendo pequeinhas frases ne l sou nome ne l Messenger. La fin deste testo ye solo pa que se beia que hai quien ache antressante i guapa la nuossa léngua mesmo que nun tenga raízes nanhues de l Praino Mirandés.
Cecílio
1 comentário:
Sta cierto ! I nu'l mustres-te al miu blog ? :)
Mira you nal sabado tenie un an cuontro de radiuamodores an Bordeos i siempre m'ancuontro cun amigos Nabarros i Guipuzcuanos açpuis a la nuite.
Pus staba cun eilhes, tucou al terfone, yera miu pai. Staba a falar Frances cun él i açpuis passei an Mirandés... Home ! Aquielho fui cum nal ancuontro de JLV cun Branco de Castro parroran todos de falar pra me scuitar !!!
:)
Enviar um comentário