Fui a saber dua rosa…
Cousa preciosa
i quelor de rosa.
Rosa airosa !
Mas tamien dua mimosa,
guapa, serena
i amerosa…
alhi pa ls lhados de la Speciosa.
L que fizo cun eilhas
Balentin, an Sendin…?
Un jardin!
I Dionísio, an Zenízio...?
Un paraíso!
Quanto a Fernanda...
Sei que las ten na baranda
i quando me scribe de Miranda
ye ua flor que me manda.
Rosa preciosa,
Rosa amerosa,
Rosa airosa…
de la Speciosa!
Ana Maria Fernandes, Graulhet (França),
21 de Márcio de 2009.
4 comentários:
Oula Ana Buonos dies mos dé Dius
Ye guapa essa tue rosa
Dá miesmo para ber
Uma rosa tan guapa
Cumo la duonha debe ser
Anté outra beç i um beisico
José António Esteves
Buonas nuites, Amigo Zé Antonho, Amigo Poeta,
Tamien achei estas rosas i estas mimosas bien guapas, sabe.
Bien guapos son tamien ls bersos de quien sabe fazer poesie de maneira tan spontánea cumo ye l sou caso.
Quanto a la "duonha" cumo diç... Debe de ser parcida a qualquiera outra tie mirandesa culas sues culidades mas tamien ls sous defeitos ... mas quien nun ls ten ?
Até (Anté) outra beç cun mais rosas i flores para mos fazer falar a nós ls homes... an poesie !
Ana Maria Fernandes
Buonas nuites Ana,
Gustei de ber esta tue houmenaige al die de la poesie. You questumo dezir que ye ua einutlidade tan amportante que nun podemos passar sien eilha.
Deixei essa mensaige ne l miu blogue http://lhengua.blogspot.com
Rosas i muita poesie para ti, Ana.
Amadeu
Buonas nuites, Amadeu,
Se nun tubisse lido esse sou testo que menciona, ua que tenerie quedado sien saber que era Die de la Poesie era you. Nun me lhembro de haber oubido falar nessa comemoraçon aqui an França i pregunto-me se ende em Pertual nun hai mais tendéncia a falar de l Die desto ou daqueilho…
L que se faç aqui an França, i desso you sabie, ye « Le Printemps des Poètes » (La Primabera de ls Poetas): bárias manifestaçones na França anteira patrocinadas pul Ministério de la Cultura, an special nas scuolas, çtinadas a promober i a dar a cunhecer la poesie…
Mas la poesie, se pensarmos bien, ye qualquiera cousa que bibe an nós dua maneira ou doutra 365 dies de l anho… 365 dies de poesie !
Ua guapa Primabera tamien para bós, Amadeu.
Enviar um comentário