stribas te na selombra de teu caminar que arrepassas a passadas de lhargo camino i nun te zlharga l pensar. Siempre te apoquenta esse pensar. Para quei pensar se l pensar te apoquenta i nun lo sabes splicar?
Camina i mira a teu redror... Bózios de ninos a jogar cun trites i flauta a tocar. Nun adelantre: cerilhas chiscan i córria-se l pensar. Buolteia-se l sino na Páscoa de sou cantar. Nuite de nérbios de outro jogador nun ser sério no seu jogar. Que te amportaba que l jogo tubísse acabado i las cerilhas te fóssen a bolso parar se l jogo sério nun habie sido. Porquei ateima l pensar se acarreirar siempre para l mesmo camino? Striba-se la nuossa serenidade an cousas bien banales. Tantos son ls rapozeiros nas paredes adonde mos stribamos....
V.Milhaços, 21Mar12
2 comentários:
Buonos dies caro amigo Antonho
-Parabienes, mui guapo.
-Ye siempre cunsolador ler tues palabras, tan chenas d'eimoçon i sentido.
Un abraço i un bun die de trabalho
Faustino
Buonos dies Faustino,
bien haias!
hai muitos raposeiros que mos apoquentan!
Para ls buossos lhados nun se fazían raposeiros, acho que nun habie muitas binhas mas an Bempuosta apuis de la bindima arranjamos un buraquito nua parede ou paredon de la binha i guardamos alhá uas quantos ubas para apuis quemer quando tornassemos alhá.
Un abraço, salude i saludos.
Antonho
Enviar um comentário