16/03/12

Amperadores de minissaia


Quando un bai a ber l que hai nessa anciclopédia lhibre que ye la biquipédia na págena an pertués cunsagrada al « centurion » que era un soldado que fazie parte de las legiones romanas, çcubre este retrato… I un pensa : será assi i todo que la saia ou até la minissaia nun la fazírun curta demais ?


Puis parece que nó se l'acumpararmos cun aqueilha que trazie l amperador Trajano por eisemplo cumo podemos ber neste quadro spuosto ne l museu de Belas Artes an Rouen…


Eugène Delacroix, 1840,
Musée des Beaux Arts de Rouen, 495 x 396 cm



Ou melhor inda : aqueilha que trazie l amperador Augusto César…


Seclo I, mármore branco, 2.04 m de altura, Braccio Nuovo, Roma.


Isto para dezir que la minissaia nun fui ambentada de maneira ningua puls Angleses (ua anglesa, parece). Que çparate ! Cumo tamien ye un çparate pensar que só las mulhieres ye que la úsan. Aqui teneis la proba !… Quien ye que nun gustarie de se sentir um pouco cumo un amperador… un amperador de minissaia ?

4 comentários:

Adelaide Monteiro disse...
Este comentário foi removido pelo autor.
Adelaide Monteiro disse...

Puis destas mini-saias si gustei. Quando agarrará esta moda ne ls dies d´hoije!? Eheheheh!!!!
Bota mais destas, Ana!

Un beisico,


Delaide

leonardo antao disse...
Este comentário foi removido pelo autor.
leonardo antao disse...

Buonas nuites Ana Marie,

Gusto de ber las ties de minissaia. Para mie, ye la pieça de roupa que mais feminenelidade i mais sensualidade trasmite a ua tie.

Quanto a l'ourige de a minissaia, la wikipedie diç que “la mais antiga cultura coincida an que las ties usában minissaias era la Duan Qun Miao, que lhiteralmente senefica "saia cúrtie Miao" an chinés.”

Un abraço,
Leonardo