05/03/12

Cunceilho Anternacional: “Las lhénguas nun statales i las nuobas tecnologies de l’anformaçon i de la quemunicaçon”





La Ounibersidade de Abeiro cun la upa de la Associaçon de Lhéngua Mirandesa i la UNED (Ounibersidade Nacional de Eiducaçon a Distáncia, de Spanha) ourganizan un Cunceilho Anternacional suobre las nuobas tecnologies de l’anformaçon i de la quemunicaçon i la sue amportáncia para estas lhénguas arredadas de l poder. Las lhénguas de trabalho son l pertués i l mirandés mas cada participante ousará la sue lhéngua. Además de l mirandés staran tamien outras lhénguas nun statales de la Península Eibérica: l galhego, l sturiano, l catalan, l aragonés i l aranés (lhéngua Ocitana).
Todo esto bai a ser yá na quinta que ben, die 8 de márcio, ne l Departamento de Lhénguas i Culturas (DCL) de la Ounibersidade de Abeiro, na sala 2.1.10. Stará presente la lhéngua mirandesa c’ua palhestra, ua mesa redonda i la apresentaçon de bários lhibros.

Más anformaçones, spreitar nestes postigos:




6 comentários:

Tiégui disse...

Ah! Nun pudereis star! Falai biên cun Inaciu Galan.

Ana disse...

Biba!

Inda nun tube tiempo de ir a ber todo l que stá nesses sites que andicais mas acho essa eineciatiba mui antressante anque nun me seia possible pessonalmente star persente nesse cunceilho porque nun bibo alhi acerca senó tamien tenerie gustado ir.

I ua cousa ye cierta: muitas lhénguas staran ende representadas; ye assi que l'ounion faç la fuorça!

Parabienes!

Daniel Sardinha disse...

Ye ua pena qu'esses cunceilhos i palhestras nun dan ne l Brasil...

Daniel Sardinha disse...

Oh, stá a ser hoije!
Por fabor, que póngan açpuis eiqui un bídeo cun algues palhestras pa dar-me un gustico de l qu'ye star ende... :)

Tiégui disse...

http://asturies.com/noticies/gal%C3%A1n-fixo-un-rep%C3%A1s-n%E2%80%99aveiro-a-la-situaci%C3%B3n-de-la-llingua-asturiana-nes-teunolox%C3%ADes-de-la-i

Daniel Sardinha disse...

Oubrigado, Tiégui!
Bou a lher cun mais calma açpuis...