23/03/12

Bonda Oubir tu boç

Yá la bista cousas pequeinhas nun çtingue i culatra d'arreio a cachaço çpindurado beila filo que segura uocolos de ber a pierto. Sunriso siempre pronto acarranca se te sisudo i caminas an mundo solo teu. Cousa pouca te anrezina; cousa pouca te fai feliç. Toca l telemoble i sien saber quien chama scuitas sue boç. Nien suonhas como bonda esso para amerosar l die. Fai cuçcinhas tue boç i bonda te para l die aclarar.