20/03/12

Bioléncia horrible i çprezible

Quatro pessonas fúrun assassinadas onte an frente dua scuola judaica an Toulouse, ne l sul de França.

Las bítimas son un porsor de religion de 30 anhos, ls sous dous filhos, de trés i seis anhos, i la filha de la diretora de l centro d'ansino. Un adolescente de 17 anhos quedou tamien grabemente ferido.

L persidente francés Sarkozy, referiu que l'ataque era ua “tragédia nacional” i que “to la república francesa stá afetada por este drama abominable” .

L puorta-boç de l Baticano, padre Lombardi referiu que “este atentado nua scuola ye un ato horrible i çprezible, que se junta a outros recentes de bioléncia absurda que feriran la França”.

L persidente de la Comisson Ouropeia, Durão Barroso, referiu qu'este “crime ye horroroso i que nada ye mais inaceitable de l que la muorte de ninos inocentes”

Nun será esta ua de las eimaiges dua Ouropa mala?

Leonardo

13 comentários:

Ana disse...
Este comentário foi removido pelo autor.
Ana disse...

Nun hai que ser tan negatibo assi i todo, Leonardo.

L que stá a acuntecer zde hai uns dies (ua sumana mais ou menos), a solo 50 kms afinal de adonde you moro mas na cidade adonde tengo tamien un filho i ua sobrina a studar, ye un caso feliçmente eicecional aqui an França mas que assusta a mais dun porque antre todas essas bítimas einocientes que fúrun abatidas a tiro por probablemente un fanático houbo trés ninos de poucos anhos; i antre eilhes, dous que fúrun anterrados mais l pai, hoije mesmo, an Jerusalén, nua cerimónia puls bistos mui comobiente...

I mais sua beç, só puode haber ua soluçon para eibitar que estas situaçones se repitan : l diálogo... i tamien toleráncia ? Toleráncia si se houbir tamien respeito mútuo.

Un abraço

Ana disse...

I mais ua beç...

Ana disse...

TRéS ninos fúrun hoije anterrados esta manhana mais l pai de dous deilhes, an Jerusalén...

leonardo antao disse...
Este comentário foi removido pelo autor.
leonardo antao disse...

Buonas nuites Ana Maria,

Tamien acho que la soluçon para eibitar qu'estas situaçones se repitan passa pul diálogo, pula toleráncia i pul respeito mútuo.

Mas sin querer ser demasiado negatibo, la crise an que se ancontran bários países ouropeus i nun solo, stá a cuntribuir pa l'oumiento de milhones de zampregados, de milhones de drogados, de milhones de malos de sida, de miles de mulhieres sploradas na prostituiçon, de miles de bítimas de la bioléncia doméstica, …, que son l'eisemplo de que na Ouropa stá a oumentar l sofrimiento houmano i l'anfelicidade.

Nesta ámbito, parece-me que ls gobiernos de la Ouropa stan a fazer pouco, mui pouco para minorar este declínio de la sociadade, i que caminamos para un abismo sin fondo.

Se Dius nun se amercenar deste desumano zambolbimiento de ls países dezido zambolbidos, corremos l risco de se arruinar i mesmo de zaparecer esta ceblizaçon, dita oucidental.

Un beisico
Leonardo

Ana disse...

Assi i todo nun hai que misturar todo, Leonardo.

L zamprego ye ua cousa, la droga i la sida por eisemplo son outras mas hai siempre soluçones se pensarmos bien ! Bonda que haba ua berdadeira sensibilizaçon cumo tamien ua fuorte buntade política! I denheiro normalmente para cumbater esses flagelos tamien s'ancontra i ne ls nuossos países bien mais que an muitos de l terceiro mundo por eisemplo adonde las populaçones stan bien mais carenciadas i cunfruntadas a grabes problemas de corrupçon. I se aceitássemos de las ajudar mais que l que fazemos ou pretendemos fazer, talbeç houbisse menos anjustiças mas mais harmonie i cunfiança ne l futuro afinal.

Un abraço.

Ana disse...
Este comentário foi removido pelo autor.
leonardo antao disse...

Buonas nuites Ana Maria,

Stou d'acuordo cun todo l que screbiste, mas “misturei todo” porque me parece que l mundo ten l'alma i l coraçon doliente, stá an cuntinos cunflitos. Bimos na telebison l que fúrun ls cunflitos recentes na Síria, ne l Eigito, ne l Eiraque, na Líbia, i noutros países, cun muitas muortes i feridos.

Bi hoije, por buolta de las trés i meia de la tarde, ne l centro de Lisboua, ne l Chiado, an frente de ls Cafés Bénard i Brasileira, ua fuorte carga policial contra manifestantes, adonde houbo dibersos feridos.

Ls cunflitos i la bioléncia stan nas nuossas cidades, nas nuossas rues, adonde, sin sperarmos, apareçan pessonas “gangs” que para assaltar caixas Multibanco ou ouribesaries, nun ténen scrúpulos an fazer sangre i çtruiçon de bienes i de bidas.

Tenemos, amiga Ana Maria, d’andar cun ls uolhos bien abiertos al que se passa al nuosso lhado, i lhuitar diariamente por un mundo adonde haba menos “anjustiças mas mais harmonie i cunfiança ne l feturo” i, an special, mais paç i amor.

Un beisico
Leonardo

Tiégui disse...

"L puorta-boç" inda biên que lus pustigus inda nun falen y que pur an quantu solu falan las puôrtas hahahaha :)))))

Ana disse...

"Tenemos, dezis Leonardo, d’andar cun ls uolhos bien abiertos al que se passa al nuosso lhado, i lhuitar diariamente..."
I al mesmo tiempo un percisa de ls fechar tamien un pouco para nun ber siempre las mesmas cousas... Ora ye nesta altura de l anho que ban aparecendo cada beç mais flores... Mirai para eilhas cumo you neste momento stou a mirar para l scribo mas tamien para un pessegueiro a nien sequiera trés metros... las flores de quelor de rosa de que se cobriu nestes últimos dies son un ancanto! Pensando bien, hai siempre bida nuoba pronta a zabrochar mesmo acerquita de nós. Ye esto que mos debe de dar coraige.

Un beijico para bós, Leonardo, i ua Primabera feliç i chena d'ancanto! Nun há-de ser mui defícele!

Ana Maria

leonardo antao disse...
Este comentário foi removido pelo autor.
leonardo antao disse...

Buonas nuites Ana Maria,

Quando dezis “i al mesmo tiempo un percisa de ls fechar tamien un pouco para nun ber siempre las mesmas cousas...” senefica cunformarmo-mos cun todo l que bai acuntecendo a la nuossa buolta?
You acho que nós nunca debemos cunformar-mos cun ciertas cousas que ban oumentando na nuossa sociadade, cumo ye l causo de la bioléncia, de l'anjustiça, i de bárias outros flagelos.

Ye berdade que nesta altura brotan por to l lhado guapas i aromáticas froles de la primabera, que son un ancanto de la tierra i de la natureza, mas nun podemos squeçer que las mais guapas froles deste jardin “la tierra”, somos nós, las pessonas, que mercemos ser bien tratados.

Un beisico cun oulor a froles,
Leonardo