Era ne l tiempo an que, ne l Palácio de las Necidades, inda habie tiempo para cumbersas lhargas (mas cuido que tamien se podie passar hoije).
Un político nuobo, un diplomata, a cumbersar cun un camarada mas bielho, falaba de las sues cunsemiçones. Ls denheiros de l paiç stában malos, las cundiçones de bida de las pessonas íban de mal a pior. Mirando al para trás, parecie que habie ua “sina” que cundanaba l paiç a star siempre traseiro acumparado culs outros. Assi i todo, bendo l tiempo datrás, Pertual habie “ampeçado” bien.
-Digo-bos ua cousa, senhor ambaixador, nun antendo l que corriu mal na nuossa stória. Parece ampossible que nós, un pobo hardeiro de geraçones de pertueses que dórun nuobos mundo al mundo, que “criórun” l Brasil, que andebírun por África i pula Índia, que chegórun al Japon i outros sítios inda más zbairados , que custruírun un ampério que se spargie de l Brasil anté la Xina, adonde deixórun ua lhéngua i rastros de cultura que inda hoije eisiste i ye lhembrada cun admiraçon, cumo ye possible que ls deçandientes desses nabegantes tan çtemidos i tan balientes hoije séiamos l paiç mas probe de l’Ouropa Oucidental?!...
L ambaixador dou-le ua risica i repundiu-le al rapaç cun bundade i sabedorie.
- Stas anganhado, miu home. Nós nun somos ls deçandientes desses nabegantes sien pareilha, dessa giente baliente i de coraige, que se apuso a salir pul mundo nas andebles carabelas i que fizo ua obra notable de rasgo i de querer!...
- Nun deçandemos?!... tornou l jobe diplomata, abismado – Anton de quien deçandemos nós?
- Home, nós deçandemos de ls que quedórun acá.
Un político nuobo, un diplomata, a cumbersar cun un camarada mas bielho, falaba de las sues cunsemiçones. Ls denheiros de l paiç stában malos, las cundiçones de bida de las pessonas íban de mal a pior. Mirando al para trás, parecie que habie ua “sina” que cundanaba l paiç a star siempre traseiro acumparado culs outros. Assi i todo, bendo l tiempo datrás, Pertual habie “ampeçado” bien.
-Digo-bos ua cousa, senhor ambaixador, nun antendo l que corriu mal na nuossa stória. Parece ampossible que nós, un pobo hardeiro de geraçones de pertueses que dórun nuobos mundo al mundo, que “criórun” l Brasil, que andebírun por África i pula Índia, que chegórun al Japon i outros sítios inda más zbairados , que custruírun un ampério que se spargie de l Brasil anté la Xina, adonde deixórun ua lhéngua i rastros de cultura que inda hoije eisiste i ye lhembrada cun admiraçon, cumo ye possible que ls deçandientes desses nabegantes tan çtemidos i tan balientes hoije séiamos l paiç mas probe de l’Ouropa Oucidental?!...
L ambaixador dou-le ua risica i repundiu-le al rapaç cun bundade i sabedorie.
- Stas anganhado, miu home. Nós nun somos ls deçandientes desses nabegantes sien pareilha, dessa giente baliente i de coraige, que se apuso a salir pul mundo nas andebles carabelas i que fizo ua obra notable de rasgo i de querer!...
- Nun deçandemos?!... tornou l jobe diplomata, abismado – Anton de quien deçandemos nós?
- Home, nós deçandemos de ls que quedórun acá.
7 comentários:
Buonas nuites Tortulhas
Nun stá anganhado, “nós deçandentes de ls que quedórun acá” inda tenemos giente baliente i de coraige, “que fizo ua obra notable de rasgo i de querer”.
Un eisemplo dun Pertués que muito mos ourgulha an todos ls países de l mundo, reconhecido un profissional d'eiceléncia ne l ámbito de l futebol, cheno de cunfiança an si, sin miedo d'anfrentar “Adamastores”, cul gusto de l risco na massa de l sangre, que ganhou l prémio de la FIFA, de l Melhor Treinador de l Mundo, coincido pul “special one”.
Este eilustre Pertués, José Mourinho, debe tamien ser un ourgulho i un eisemplo para todos nós, pus ancara la bida de frente, subiu a pulso i soube aprobeitar las ouportunidades surgidas. Ye un bálsamo pa l paíç, ye un “Heirói de la Tierra”, que fui bafeijado cun dotes de lhiderança i debie ser eisemplo para políticos, subretodo para aqueilhes que son falhos dua eideia de Pertual, que nun respunden a la lhetra a ataques ó andelicadezas de xefes strangeiros, que genufleten delantre Bruxelas, delantre agéncias de Rating ó qualesquiera outros antrisses strangeiros.
Bós Porsores, debídes promober l'eimergéncia de Mourinhos an todas las árias de la bida nacional, que demunstrassen al mundo sermos un “pobo hardeiro de geraçones de pertueses que dórun nuobos mundo al mundo, que “criórun” l Brasil, qu'andebírun por África i pula Índia”.
Un abraço,
Leonardo
Hai cousas que son tan cenzielhas de fazer que a las bezes nien mos damos cuonta de cumo un pequeinho géstio puode demudar l mundo.
Por eisemplo, que cada cual spurmente, solo durante un més, a fazer dues cousas: cumprir las horas i fazer l que dixo que farie.
Se esto que todos fázen quando se botan pul mundo por que nó fazé-lo eiqui?
Leonardo,
Ls que fazírun l 25 de Abril, fui porque salírun dacá i quando ls fazírun mirar para drento, bírun que ls senhores del stado ye que mandában i se gobernában cul que era de ls outros i bírun mais, que muitos que teníen amigos ne l stado, fazíen todo para nun íren para fuora. L stado staba na mano de cobardes.
Quanto a Mourinho, nun fui cula bandeira de la squierda ó para pormober un partido, nun passa l tiempo a studar l modo de tulhir ls outros.
Buonas nuites Almendra,
Ye berdade l que “Ls que fazírun l 25 de Abril, fui porque salírun dacá … i que muitos que teníen amigos ne l stado, fazíen to para nun íren para fuora” lhuitar pula defesa de l nuosso Ultramar .
Quanto la Mourinho, nun antendo este cachico de l buosso comentairo “nun passa l tiempo a studar l modo de tulhir ls outros”. Ne l miu punto de bista, penso que nanhun mirandés serie capaç de perder “l tiempo a studar l modo de tulhir ls outros”.
Todos ls mirandeses, an special ls desta Quadrilha de l Froles, que somos tan poucos, queremos que la nuossa lhéngua mirandesa seia cada beç mais sccrebida, ansinada i falada por mais pessonas i queremos cuntribuir pa l'anriquecimiento lhenguístico de todos nós ls mirandeses.
Bós amigo Almenda,sodes un bun eisemplo de quien quier cuntribuir pa l'anriquecimiento cultural lhenguístico de todos nós ls mirandeses, cula grande cantidade de testos, bídeos, retratos i comentairos qu'eiqui teneis puosto, que son "un pequeinho géstio que puode demudar l mundo", cumo bien screbiu Boieiro.
Un abraço,
Leonardo.
Anfeliçmente hai giente dessa Leonardo i para séren grandes fázen alianças cun todo mundo. Até cun einemios de la lhéngua.
Até cul HOIJE quíeren acabar.
Nunca me calhei antes de l 25 de Abril i nun ye agora que me cálhan.
Abraço
Almendra
Buonas nuites Almendra,
Mesmo que haba giente que “para séren grandes fázen alianças anté cun einemios de la lhéngua” esta será mantenida biba até siempre que nós ls mirandeses la falemos bien ó falemos mal, la screbamos bien ó la screbamos mal, l’ansinarmos bien ó l’ansinarmos mal.
La cuntinaçon i cunstáncia an falá-la, screbé-la i ansiná-la ye dua grandura única i ambancible para nunca naide cunseguir acabar cula lhéngua mirandesa.
Se nun bos calhestes “antes de l 25 de Abril” nun bos calheis agora, porque naide ten fuorça capaç de calhar la boç de ls testos, bídeos, retratos i comentairos que bós i ls desta Quadrilha de l Froles eiqui tenemos screbido i ponido.
Un abraço,
Leonardo.
Enviar um comentário