La bida ye cumo un assopro, se l’acumpararmos al mundo físico, ye cúrtia demais para spertares cun arrendimientos ou peso na cuncéncia.
Assi sendo ama las pessonas que te trátan bien i squece aqueilhes que nun l fázen, la spriéncia diç-mos que la bida s’ancarrega de l fazer, de poner cada un ne l sou lhugar.
Todo se sfuma nun sfregante, todo se bai ou ben, por algua rezon será, se stubires mal i te benir algua ouportunidade agarra-la sien mirar al para trás, puode ser la redadeira.
S’alguien algua beç te dixo que la bida era fácele antrujoute, porque nada ye fácele nesta bida, eilha mais s’asparece a ua porra, mas hai ua berdade, bal la pena tener ua.
Bibe i deixa bibir, fai todo l que podires para seres feliç.
1 comentário:
Bah, Tiu Faustino, assoprai mas nun sparbeis muito i que todo baia bien cun bós i Ti Natalha.
Abraço,
antonho
Enviar um comentário