12/09/10

Die de la Lhéngua Mirandesa - 17 de Setembre




Eiqui bos deixo l porgrama de l die de la Lhéngua Mirandesa, que bai a ser ne l die 17 de Setembre.
Nesse die faç anhos que l deputado Júlio Meirinhos apersentou, na Assemblé de la República, l porjeto de lei que apuis bieno a ser aprobado i dende resultou l recoincimiento legal de la lhéngua mirandesa.
Serie buono que bien assinaláramos esse die i que muita giente partecipasse nas einicitibas que ban a tener lhugar, an special na sesson de las 21 horas. Ende, para alhá de l salimiento de Ls Lusíadas, haberá muitas nobidades.

2 comentários:

Abelhon disse...

I se nun fur antes ... a la hora de la cena por alhá andaremos a saber de algun carolo:)
Abraço
A.M.

faustino.antao disse...

Buonos dies amigo Amadeu

-Que buono saber l porgrama de l die de la Lhéngua, mesmo inda faltando uns die até alhá, i muita cousa acuntecer, nun bou a poder çfrutar del nien tan pouco quemungar cula gientes d'alha.

-Mas stou cierto que las pessonas i las quemunidades mirandesas spargidas pul mundo nun ban a deixar passar an claro este die nien esta data, tan amportante que fui l'aprobaçon de l porjeto n'Assemblé de la República pul nuosso cunterráneo Jújio Meirinhos.

-Stou cierto que ls crónistas i anternautas ban a aporbeitar este die para alhebantar bien alto este feito, screbir i dibulgar la segunda lhéngua de pertual.

-L salimiento de ls "Lusiadas" ye la lhigaçon purfeita para festejar este die, obra de tamanha nomeada i de tan taludo feito ye assi puosta nas manos de l mundo screbida na nuossa lhéngua.

-Assinalaremos esse die cun toda la fuorça i alegrie.

-Un abraço
Faustino