01/09/10

Anda, nun páres!

Anda
Nun páres
Nien que te pareça
Que ls tous pies
Stan colados
Al chano que pisas.
Ri-te
Mas ri-te muito
Nien que naide te beia
Las risas.
Ri-te
Ri-te anque solo seia
Andrento de ti
Mas ri
I sobretodo
Ri-te de ti...
Solo assi
Bibirás bien cuntigo
Te perdonarás sien peniténcias
I an tous pesares
Solo berás
Pequeinhas cumenéncias.
Ri-te...

4 comentários:

Abelhón disse...

Bota ua buona risa nien que seia de las arganelas ... que l tou bezino capador ponie:):) anda bota ua risa:)

Adelaide Monteiro disse...

Las arganelas, Abelhon, si...las arganelas!
Hai que chamar a tiu capador! Ui, carai, que si bás a grunhir! eheheheh! que si me dou la risa...

un chi

"Scacição" disse...

Bien haias Delaide:)Pus ye esso Andar que palantre ye l camino i para trás la burra meija:)

Tengo pena de nun tener sabido a tiempo de l ancontro de blogueiros deste anho.Querie poner-le ls uolhos anriba:)

Bien quedará para outras andanças!
Un abraço a la moda Sendinesa!

Adelaide Monteiro disse...

Que pena!
Queda palanho que bén ó inda antes quando calhe.
A la cierta bien debrebe, nel salimiento de ls lhibricos.

Até alhá.

beisicos,

Delaide