Al lhume, cumbersa cun miu pai i mie mai:
- Mie mai, quando éramos garoticos - yá alhá ban uitenta anhos -, peinába-mos c'ua peina pa l mandil i a las bezes habie ne l mandil mais dua dúzia de piolhos, mais grandes que you sei alhá. Nequel tiempo, piolhos tanto ls tenien ls ricos cumo ls probes: salien-le de las suíças i atrabessában la tiesta.
- Íbamos a missa, tapadas cul xal, i falámos uas culas outras subre ls piolhos que passában a correr ne l xal de la que staba alantre de nós.
- Nesse tiempo era mesmo ua democracie piolhosa (you).
- Las calças de pardo de ls homes tenien las questuras siempre chenas de piolhos. Éran grandes cumo nabos. Apuis coçában-se nas partes i até fazien sangre. Tu sabes alhá...
- Ls cochinos, subretodo ls mais pequeinhos, tenien piolhos grandes cumo l pulgon.
- Botabamos-le alxofre. L cochinico criaba ua cotra i tirábamos-se-la cun corcha birge.
- I l que ye corcha birge? (you)
- Ye la purmeira corcha que un sobreiro bota. Essa corcha birge era queimada i apuis sfregábamos l cochinico cun eilha, pa le tirar anton la cotra. Tamien ousábamos esssa corcha, cumo tal, quando ua mula se ferie, que l queimado le fazie bien.
- Mie mai, quando éramos garoticos - yá alhá ban uitenta anhos -, peinába-mos c'ua peina pa l mandil i a las bezes habie ne l mandil mais dua dúzia de piolhos, mais grandes que you sei alhá. Nequel tiempo, piolhos tanto ls tenien ls ricos cumo ls probes: salien-le de las suíças i atrabessában la tiesta.
- Íbamos a missa, tapadas cul xal, i falámos uas culas outras subre ls piolhos que passában a correr ne l xal de la que staba alantre de nós.
- Nesse tiempo era mesmo ua democracie piolhosa (you).
- Las calças de pardo de ls homes tenien las questuras siempre chenas de piolhos. Éran grandes cumo nabos. Apuis coçában-se nas partes i até fazien sangre. Tu sabes alhá...
- Ls cochinos, subretodo ls mais pequeinhos, tenien piolhos grandes cumo l pulgon.
- Botabamos-le alxofre. L cochinico criaba ua cotra i tirábamos-se-la cun corcha birge.
- I l que ye corcha birge? (you)
- Ye la purmeira corcha que un sobreiro bota. Essa corcha birge era queimada i apuis sfregábamos l cochinico cun eilha, pa le tirar anton la cotra. Tamien ousábamos esssa corcha, cumo tal, quando ua mula se ferie, que l queimado le fazie bien.
3 comentários:
Dius bos deia buns dies amigo Amadeu
Sabeis ua cousa, you sou de l buosso tiempo i nun me lhembro de mie mai falar assi muito de piolhos.
Mas sei bien que nun ls habie solo an Sandin, tenien nomeada i habie-los por to ls lhados. Na scuola siempre aparecien alguns i adonde dezien que habie mais era nas famílias ciganas. Até ls nuossos ousában essa çculpa para mos apartar deilhes, mas cuitados entre nós i eilhes l que toca a lhabados la defréncia nun era muita. S'eilhes andában cun çarro nos andabamos çúzios.
La de la corcha birge oubi-la pula purmeira beç, será porque an Zenízio nun hai sobreiros?
Un abraço
Faustino
Buonas tardes, Faustino,
L tiempo de que fala la cumbersa ye muito mais antigo, de l ampeço de l seclo XX, éran mius pais garoticos.
Agora quando you me criei inda habie muito, mas yá éran menos.
Un abraço,
Amadeu
Enviar um comentário