03/05/12

Acumparado cun Franco, cun Pétain, cun Laval i porque nó até cun Hitler… !




Nicolas Sarkosy, onte a la nuite ne l debate telbesibo cun François Hollande que durou trés horas seguidas i que fui oubido por 18 melhones de pessonas, a quatro dies de la 2da buolta de las eileiçones presidenciales francesas: (antre outras cousas)

 ― Quand on m’a comparé à Franco, à Pétain, à Laval, et pourquoi pas à Hitler, vous n’avez pas dit un mot… (Quando m’acumparórun cun Franco, cun Pétain, cun Laval i porque nó até cun Hitler, nun dezistes nien ua palabra…)

Las respuostas i las reaçones que houbo an seguida podeis oubi-las bós tamien indo por eisemplo até este site: http://www.france24.com/fr/20120503-sarkozy-hollande-moments-forts-debat-televise-videos-citations-election-presidentielle-france .

Mas you l que sei ye que nós tamien, aqui neste nuosso site an mirandés, cheguemos a debater subre esta queston hai yá uas sumanas atrás porque houbo anton quien tubisse chegado a fazer aqui tamien essa cumparaçon. Mas que Sarkosy quede çcansado ! You la purmeira na altura achei normal i tamien útele reagir i dezir que nun sirbe para nada eisagerar ciertas apreciaçones mesmo que un querga creticar ou dar a antender que nun stá de acordo cula política i las decisones a que chegórun nestes últimos tiempos an special la França i l’Almanha na pessona de Sarkosy i de Merkel…

Agora quanto al candidato an quien you bou a botar este Demingo, nesso you sei que nun heisitarei un minuto… i claro sien eisagerar nien mesmo un segundo  !



18 comentários:

leonardo antao disse...

Buonas nuites Ana Maria,

Gustei de l debate, anque tener sido marcado pula tenson i troca d'acusaçones, dou a coincer al mundo ua berdadeira democracie, que remexe por drento.

Para mi, l'eissencial de la política, ye la berdadeira democracie, que ye cumo la salude, l sou balor raramente ye recoincido, até que seia perdida. Por esso nun gusto d'oubir falar de l Hitler, de l Franco, i d'outros de polos oupostos a la democracie.

Un abraço,
Leonardo

Tortulhas disse...

Biba, buonas nuites Ana,

Ye un gusto bé-bos porqui i cun salude; stimo que todo baia bien!

Ye bien antressante todo l que mos cuntais subre las eileiçones francesas, mas tengo que bos cunfessar que hai ua cousa que me stá eiqui a fazer spece:

anton de LA candidata a las eileiçones nun mos cuntais nada?!... solo homes, solo homes, quien bos oubir, anté peç que solo houbo homes a aperponé-se... i, benindo d'adone ben, ye causo para stranhar tanto silenço.
Çculpai que bos diga, mas fazeis ua analce mi "misógena", para ousar ua palabra que you sei que bos gusta.

Besitas

Ana disse...

Mui buonas nuites, Leonardo.

Franco, Pétain, Laval, Hitler… i tamien Salazar podiemos nós dezir… só fázen pensar an cousas tristes mas nun ye ua rezon para tapar ls uolhos ou para que outros s’aporbeiten para mos los tapar. Star al corriente de l que se passou na Stória ye un deber de cidadano mas tamien un dreito.

Un abraço para bós i un bun fin de semana.

********

Caríssemo Amigo Tortulhas,

Cumo bos destes purfeitamente de cunta nun fui l miu aperpósito neste testo falar subre l’ouséncia de candidata(s) nesta 2da buolta. Habie dues assi i todo cumo sabeis tamien tan bien cumo you antre todos ls candidatos que s’apersentórun na 1a buolta.
Mas que culpa tengo you, dezi-me, se ningua dessas dues chegou nesta eileiçon a posecionar-se tamien na 2a? Nun sou you sola cumo sabeis tamien a decedir, puis nó? subretodo an democracie! I bós inda menos segundo me parece i pulas rezones que todos podemos adebinar!
Mas nun bos squéçades assi i todo que na última eileiçon presidencial que aqui houbo un de ls cadidatos que cunseguiu chegar na 2da buolta era percisamente ua candidata. Mas an Pertual, quando ye que la mesma cousa yá acunteciu ?
Nunca ?!
Ah, anton, ajudai bós tamien a fazer cuncretamente cun que las cousas múden i claro : para melhor ! Só puode ser para melhor senó nun antressa ! L que quier dezir que inda hai muito que fazer. Nun ye, Tortulhas ?

Assi i todo, salude, para bós tamien ! i claro sien eizageros ou misoginies einúteles. Anton nun bedes que las Pertuesas son tamien dua antlegéncia rara?! Até salta als uolhos !

leonardo antao disse...
Este comentário foi removido pelo autor.
leonardo antao disse...

Buonas nuites Ana Marie,

Esta rebirabolta pa la squierda será buona pa la Fráncia? i pa l´Ouropa?

Un abraço.
Leonardo

Tiégui disse...

Hui ! Arredios ! You stube onte ne la Bastilla... aquillu fui pur demas !

Ana disse...

Buonas tardes, Leonardo,

Para que todo seia lógico hai que ganhar tamien las próssimas legislatibas. An Junho.

Anton:

Palantre ye l camino !

Un abraço !

Ana disse...

Tiégui,

la Bastilha: ye bun sinal !

Depuis de l San Marcos l outro die...

Mas you só querie saber porque ye que al pie de la coluna de la Bastilha nun se biu onte a la nuite nien ua bandeira pertuesa ou até mirandesa.. al lhado dessas outras: argelinas, tunisinas, marroquinas, líbias, etc. Adonde stabas tu anton ?

Tiégui disse...

Ah si ! You tenie la bandeira dal Reinu de Llion mas quiên ancarrapitaba eilli arriba ?

You staba mas yê biên tranquilicu llougu an baixu la pantalla. La giênte puju-se tonta quandu viu a la Ségoléne y açpuis nun quije saber de mas nada y marchei llougu açpuis la meya nuite. Pus hoije anté yê die de çachu y cheguei biên atrasadu... purque me deixei drumir !

Ana disse...

Corrijo para l nuosso Amigo Tortulhas:

Habie TRES i nó dues candidatas na 1a buolta.
Habie tamien la candidata pul partido de la Strema Dreita.

Rema Marine, rema !

Ana disse...

Tiegui,

Nun me digas que sós tamien pula monarquie (an defesa de l Reino de Lheon !)... i católico (cun essa deboçon pul san Marcos !)

Habie giente de todos ls lhados onte a la nuite na Bastilha !

Tiégui disse...

Si sou dalgu munarca, mas aquissu nun amporta, yê tode eigual ! La bandeira yê hoije mas un simbelu d'ua cultura que d'un reinu. Y yê eigual cu'l Samarcus/Lluç.

Se Sarkozy nun gañou fui scalla purque Le Pen mandou a vutar an brancu, se no achu qu'habie gañadu.

De restu, you achu que'l que tenémus agora yê muitu mas cume lus antigus, ne las maneiras de fazer. Yê cun certéza'l que mus fai falta agora.

La verdade yê qu'onte a la Bastilla habie mas stranjeirus que francéses.

A vé-lu que mus vai a dar issu !

Ana disse...

Biba Tiegui,

i you bien cuntenta cun esta mudança de presidente...

La França siempre fui ua tierra por adonde passórun siempre muitos pobos i ye un erro nun se dar de cunta que esso ye ua fuonte de riqueza a todos ls nibles. Ténen l sprito mui pouco abierto aqueilhes que s'astríben a dezir l cuntrairo. Quieren quedar: "solos, ourgulhosamente solos..." cumo dizie tamien quien nós sabemos.

Buona cuntinaçon i muitos mais outros buns passeios ende pula Bastilha i siempre an defesa de la Democracie.

Ana Maria

leonardo antao disse...

Buonas nuites Ana Marie,

Esta mudança parece-me que bai abrir ua racha na política ouropeia cuntrolada pula senhora Merkel, i ua nuoba forma de lhiderança de l’Ouropa.

Un abraço.
Leonardo

Tiégui disse...

Oubrigadu ! You d'antes iba mas pu'la Bastilla. Quandu cheguei an Paris an 2008 habie eilli, n'ua ruga pur tras un bar. La tie yêra sturiana y'l tiu purtués. Iba to'lus Deimingus a la tardica tumar un café y cumer un cachu de pudin.

Açpuis, un die çronrun. Nunca mas turnorun, pus scalla furun-se pa'la reforma. Agora stan outrus duôñus mas nun me gustan cume lus dantes... nun hai pundin y'l café sabe mal !

Ana disse...

Biba Leonardo,

Ye de sperar que si, que ampece seriamente a partir de agora ua mudança i yá nun era sien tiempo. Las amboras que chegórun tamien este Demingo benidas de la Grécia mostrórun claramiente que l perigo dua deriba eisiste. Un einício de soluçon para cumbater esta crise: ua maior justiça antre ls cidadanos. Fui esso l que dórun a antender la maiorie de ls Franceses nestes dies i fui esso l que probocou la derrota de Sarkosy que anfeliçmente faboreciu siempre mais ls ricos que ls pobres.

Outros tiempos, outras buntades !

Ana disse...

Biba Tiegui !

Yá faç ua eiternidade que nun pus ls pies an Paris. Por esso nun te poderei andicar muitas direcçones de bares mas l último adonde antrei, ende na capital, fui para mi ua nobidade. Yá stubiste un die ne l "train bleu" que queda ne l purmeiro andar de la Gare de Lyon? I eimagina tu que até cheguei a screbir alhá un ou dous poemas an mirandés. De certeza que debie de ir alhá mais bezes mas yá nun tengo essa possibilidade i nien sei se la tenerei outra beç un die. Tamien por bies de la crise. Mas quien sabe, talbeç quando stubir you tamien na reforma... i se inda sutir biba...

Biba Tiegui !

Ana disse...

... stubir ...