07/04/12

A salir de l forno



Retratos de Orique Teixeira


Que benga acá l'ASAE a dezir que assi nun puode ser, que estes nun cúmpren las reglas ouropeias i nun sei que más!... Pus claro que nun cúmpren! Nien cúmpren nien ye para cumprir, fartos de cumprir andamos nós i quedamos siempre a lhamber guiços.
L que estes ban a "cumprir" ye l fado para que nacírun i lhembra-se-me que nun ban a tardar muito.
Quereis ua talhada?!

9 comentários:

Unknown disse...

Buono eisemplo de quien ye la culpa de la crise.
Uns muito i outros nada!
Ls que mais ténen nun cúmpren las reglas, por esso ténen muito.
Apuis pratícan la caridade (deilhes), ouferécen ua talhadica porque sáben que nun la quíeren.
Mas cumo dezie l'outro, arruma te a quien ten que siempre te puode tocar algo.
Yá sei adonde m'arrimar.

Tiégui disse...

Home ! Claru que si ! Llamber nun yê fartar ya sabes ! Ya que tiu Almendra tamiên sta ende, a vé se mus acunchéga a la cuba que'l fular pide mollu !
Védes you tamiên me sei arrimar !

Adelaide Monteiro disse...

You tamien quiero i para alhá dua buona pinga i dun carolo, puode ser que daprenda algo de nuobo para mais afinar la mie receita..

Parece que yá le stou a quemer!!! Ui que bien cheira, Tortulhas!!!!

Bs

Unknown disse...

Tiégui, nun bamos a tener suorte!
Ls ricos son assi!
Stendimos la mano i calhadicos cumo ratos, fázen que nun béien nien óuben!
Datrás, ls sendineses lhebában la cuba nun carro de mulas, nun tengo carro nien mulas i yá me passa cumo a Delaide, la fuorça yá nun chega para anchir la cuba. Mas l garrafon yá stá cheno i nas alforjas.

ACangueiro disse...

hai assi un a modos de torradico, carai que dantada le daba!

Haber se l'ASAE ten la suorte de meter la mano a lhume i apanha ua buona queimadura. Habieis de ber cumo depriessa metie l rabo antre pernas mas antes inda habie de purbar un cibico.

ACangueiro disse...

hai assi un a modos de torradico, carai que dantada le daba!

Haber se l'ASAE ten la suorte de meter la mano a lhume i apanha ua buona queimadura. Habieis de ber cumo depriessa metie l rabo antre pernas mas antes inda habie de purbar un cibico.

Tiégui disse...

Bah ! Pus tamiên nun sodes assi tan viêllu cume issu... You pu Samarcus alla starei, acunchegai un garrafon que ya'l purbarémus alla riba sintadus nu marcu de la frunteira :)

Tortulhas disse...

Dius mos deia buonos dies,

San Pedro ye ua tierra bien farta i stan balientes ls folares, ora stan?!

Ah Almendra, bós culs quemantairos que fazeis peç que nien sodes de l Praino i l malo ye que apuis quien bos lei, nun stando aporcatado, queda anganhado.. i inda porriba peç que este nun ye causo birgueiro.
Anton bós nun sabeis que las fornadas de folares, al menos an San Pedro i cuido que ne ls outros pobos nun será çfrente, las fornadas de folares mui ralamiente son fazidas solo para ua casa, por bariadade de rezones, seia pula "anraizada tradiçon quemunitaira", seia por nien tod'mundo tener forno, seia por poupar na lheinha, seia por rander menos l tiempo i custar menos l trabalho fazido de cumpanha...
i assi sendo, l que parece muito, poude nun ser tanto cumo isso!...
De qualquiera maneira, graças a Dius, folar an San Pedro inda bai habendo i podeis aparecer que la talhada nun bos falta, mesmo cun esse buosso feitiu rezinga de probe i mal agradecido, hemos de bos tirar las barriga de la miséria ;)

Ah, scusais de traer l bino, que an San Pedro tamien inda bai habendo uas oubicas i yá naide las lhieba para las degas, que diç que las págan mal i tarde i a malas horas.
Abraço

Teresa Almeida disse...

Quaije que perdie ua talhada destes folares tan balientes!
Lhembra-se-me que la chicha debe ressumar adentro de l pan amarielho i ameroso, como dezie Delaide!

Beisicos Tortulhas.