02/04/12

Caro Leonardo,


Esta carta que aprobeito para traduzir agora mandei-la an pertués a Leonardo cumo respuosta a aqueilha que el me mandou, inda hai poucas horas, para me dar a cunhecer bárias oupeniones ou apreciaçones straídas de bárias funtes i jornales, uns franceses puls bistos até, subre la situaçon atual an França relatibamente al ampacto que puoden tener las relegiones neste país, an special la relegion muçulmana subretodo nun cuntesto de campanha eileitoral cumo aqueilha que la França está a bibir nestes dies.

Buonas tardes, Leonardo,

Nun tube paciéncia (i tiempo tampouco) para ler todo l que me mandestes neste buosso redadeiro correio.

L cierto ye que la relegion muçulmana ye ua de las mais amportantes hoije an die an França.

Nun ye d'hoije assi i todo la tentatiba d'alguns stremistas dessa religion cunseguíren (ls salafistas, ye assi cumo ls cháman i que reperséntan assi i todo ua minorie, ye perciso dezir tamien l que ye ) ciertos dreitos que la República Francesa recusa de les dar. I esso ye l causo tamien culas outras relegiones i seitas. Cunsidera-se anton que nun ten dreito nanhue deilhas (la relegion católica tampouco) de se amponer ne l spácio público adonde la laicidade ye que ye cunsidrada cumo l balor fundamental.

I you para bos dezir la berdade, Leonardo, acho que ye assi que las cousas dében de ser i nó d'outra maneira porque ye dessa maneira que se cunséguen eibitar muitos porblemas, tensones, ouposiçones i tamien formas de bioléncia, puode tener la certeza, i falo tamien por spriéncia própia.

Bamos a ber se cunsigo arranjar tiempo un die destes para me sprimir mais subre este assunto. Mas nós eiqui inda nun stamos de bacanças. Solo ne l próssimo fin de sumana...

Un abraço, Leonardo.



1 comentário:

leonardo antao disse...

Buonas nuites Ana Maria,

L'eissencial, desse testo, stá an sabermos (todos ls ouropeus i an particular ls franceses) perspetibar la cunfiança de l relacionamiento feturo culs muçulmanos i cula grande dibersidade de pobos culs quales cumbibemos, que terá siempre de passar pula coperaçon cun todos.

Feliç i santa Páscoa.
Un Abraço.
Leonardo